ازاي اتجنب المشاكل الزوجية ، كل جواز طبعا مليان مشاكل لان ببساطه أي احتكاك قريب بين أي اتنين يسبب مشاكل ناتجه عن وجود اختلافات بين الزوجين في الطباع وطريقه التنشئة لكن في ناس تعيش طول عمرها في مشاكل حتى ينهار الزواج . وفى اتنين شاطرين يقدروا ينقذوا جوازهم من الانهيار بالمشاكل ، ازاي اتجنب المشاكل الزوجية ؟ . سؤال مهم هنجاوبك عليه في سطور بسيطة
سؤال مهم : ازاي اتجنب المشاكل الزوجية ؟
لازم يعرف الزوجين ان أي مشكله لازم يطلعوا منها بعبره ودرس عشان ميقعوش في نفس المشكلة دى تانى ويبقى درس واتعلموه للابد .
وكلام في سرك:
اتعلمى انتى وجوزك متدوش ودانكوا لتدخلا ت خارجيه تخرب بيتكوا وعلاقتكوا سواء من الاهل او الاصحاب . لان التدخل هيخلى علاقتكوا مهزوزه .
لكن خلى ارائكم طالعه من نفسكم وشوفوا ايه اللي يخلى بيتكوا يمشوا صح واعملوه . واعرفوا ان أي حد بيحشر نفسه وسطيطوا انتوا اللي سمحتوله بكده وتقدروا بسهوله تمنعوة .
حاجه كمان تساعدك تعيشى متهنيه :
بلاش تقارنى جوزك بجوز صحبتك . جابلها وعملها وفسحها .وتعكننى على جوزك وعلى نفسك . فكل زوج له طريقه مختلفة في التعبير عن حبه ليكى.
كمان عشان ميتراكمش الزعل جواكوا وتنفجروا اتعلموا تتكلموا عن اللي جواكوا أول بأول ولما تعبرى عنها بلاش عصبيه وعكننه وصوت عالي لكن بهدوء حتوصل الرساله اسرع .
لان لو طرف زعق الطرف الثاني برضوا هيزعق ولكن لما يكون في طرف مضايق الثاني لازم يهدى الدنيا والا البيت هيولع من الخناقات .
كمان اعرفوا ان كل سنه بتعدى عليكوا كزوجين دى سنه يتتعلموا فيها وتاخدوا على بعض اكتر وتكتشفوا ايه اللي بيزعلكوا وايه اللي بيفرحكوا فالسنه اللي جايه هتكون احلى من اللي فاتت في جوازكوا .
لازم كمان تعرفى ان الحياه الزوجية مش من اول يوم طريق مفروش بالورد لكن رحله تعب في البداية لحد ماتتوصلوا أزاي تسعدوا بعض وتفرحوا بعض وتخافوا على مشاعر بعض .
شاركوا احمالكوا سوا لان الحمل لما بيتقسم على انتين بيخف جدا فلو في حاجه مزعلاكى شاركيها مع جوزك يمكن المناقشه تصلكوا لقرار يكون هو حل المشكلة دى كلها .
وبلاش اللي اتربيتى عليه تطلعيه في اجلواز مش عشان كنتي محرومه من الطلوع والخروج في بيت ابوكى بعد الجواز عايزة تطلعى كل يوم ومفيش أي احساس بالمسئوليه عن زوج وبيت او اطفال .
بلاش كمان الخدعه الكبرى هي ان الجواز من اوله هنا ونعيم وسعاده لان مفهوم السعاده لا يتحقق بدون مجهود وسعى للوصول اليه . ومتعه الجواز في العطء وليس الاخذ كما تظنى .
لان لو داخله الجواز تاخدى بس مشاعر وحب واهتمام من جوزك وانتى مش بتعطى هيبقى في صراعات ومشاكل كتيره .
بلاش كمان نبنى بينا وبين بعض حواجز ونحكم على بعض بسرعه ونثبت الصورة دى جوانا لان الوقت هيمر ومع العشره هنفهم بعض اكتر فلازم نقضى وقت كبير في التواصل مع بعض بشكل يومي ومهما اختلفنا لا نؤى مشاعر بعض .
