افكار لتسعدي زوجك واطفالك

افكار لتسعدي زوجك واطفالك ، لتعلم كل سيده انها محور البيت كله ولو غابن عنه يوم واحد الدنيا هتقف ويحتاسوا في البيت لان ببساطه انتى اللي شيلاه فوق اكتافك لوحدك وقادره تعملى كل حاجه فيه لوحدك من تربيه اطفال وتنظيف المنزل .وعشان كده هنقدم ليكى افكار لتسعدي زوجك واطفالك  .

افكار لتسعدي زوجك واطفالك

اولا:

لا تلومى زوجك انه مش بيفسحك ولا بيجبلك هدايا زى زمان يمكن الدنيا مزنوقه معاه ومش الهديه هي اللي هتثبتلك انه لسه بيحبك .

ثانيا:

ابحثى عن سبل جديده لفتح الحوار وحل أي مشكله تواجهكم بدل السكات او اللوم بطريقه تخسركم علاقتكم ومفيش مانع تقرأى عن النت او تتصلى بشخص مختص في المشورة الأسرية او تشترى اسطوانه عن العلاقة الزوجية فالعلم بيفيد برضوا .

ثالثا:

حطى باسكت على الباب وقولى لكل واحد حتى جوزك اول ما يفتح الباب يكتب اللي مضايقه ويرميه في الباسك تدى وينساه ويدخل البيت وهو مبتسم .

رابعا:

استنى ميعاد عودة زوجك او اطفالك بمزاج رايق بعيد عن أي مشغوليه او توتر وجهزى نفسك كده وغيرى هدومك وانظفى وشغلى موسيقى هاديه وعطرى البيت عشان يكون جو نفسى هادئ .

خامسا:

اهتمى بالأكسجين النفسي بتاعك لأنك لما هتكونى مضغوطه هتتعاملى بطريقه وحشه مع جوزك وعيالك وبعصبيه فحاولى تلاقى وقت يوميا لنفسك بس حتى لو 30 دقيقه واعملى حاجه بتحبيها او انزلى الكوافير او اعملى مشروب ساخن واقعدى اسمعى فيلم كوميدى يغير نفسيتك.

 

 

سادسا:

خصصى لكل طفل من اطفال نص ساعه عشان يرتبط بيكى ويحس انه مميز عندك وقوليله ده وقت تحب تعمل ايه وخليه يختار مثلا:
– تحكيله حكايه
– تلعبى معاه بلاي استيشن
– نشوف كرتون
– نخرج نتمشى
– نعمل كيكه بطعم هو بيحيه.

سابعا:

خلى كلامك دايما بينقط سكر ويحب اولادك يتكلموا معاكى ويحكوا معاكى . واليكى بعض المواقف الخاطئة وكيف تجدى ردود افضل لها:

قلت لك 500 مره اول ما ترجع من المدرسة تدخل تغير هدومك وتغسل ايدك ووشك . لكن ممكن اول ما يرجع من المدرسة تقوليله: حمد الله على سلامتك يا حبيبى .فاكر اتفقنا نعمل ايه؟ انت صليت فين انا مشفتكش ؟. لكن ممكن تقوله انا عايزة اصلى معاك فلما تجى تصلى نادى عليا ونصلى جماعه.

درجات اخوك احسن مليون مره من درجاتك . لكن ممكن نقوله انت درجاتك الشهر اللي فات كانت اعلى هو انت في حاجه مش فاهمها ممكن نذاكرها سوا. ياكداب انت صليت أزاي من غير وضوء ؟. لكن ممكن نقول اعتقد انك نسيت تتوضئ. لما ربنا بيمنعنا من حاجه لازم نعملها والا هندخل النار لكن ممكن نقوله لما ربنا بيقول غلط نعمل كده يبقى عشان هو بيحينا وعارف ان الحاجه دى مش في مصلحتنا.

اللي بيصلى مش بيروح النار  ربنا نعمه كتير اوى علينا واحنا لازم نصلى عشان نقوله شكرا عليها. منظر اوضتك مبهدل كالعاده. لكن ممكن نقوله تعالى نتعلم سوا ازاى ننضف الاوضه عشان نرتاح في القعده فيها. المدرس زعق لك ياخايب اكيد عملت مصيبه. لكن نقوله: تعالى احكيلى ايه اللي حصل خلى المدرس يزعقلك؟ بتلعب ليله الامتحان؟ وفى الاخر تجيب درجات زى وشك .ممكن نقوله حبيبى في وقت للمذاكره ووقت للعب دلوقتى نذاكر ولما نخلص نلعب سوا.