احيانا بلاقي ستات أتغيرت بعد الجواز وبقى اهانة الزوجة زوجها والمعايرة بظروفه وكلامها زي السيف يجرح في اللي قدامها وهي ولا حاسة باللي بتعمله ، حتى زعل اقرب الناس ليها وهو جوزها هي مش واخدة بالها منه وفي هذا المقال سنتعرف على حوار دار بين زوج وزوجة بعد عدة سنوات زواج ونناقش أخطائه و اهانة الزوجة زوجها والمعايرة بظروفه وننصحك ايها الزوجة : لاتهيني زوجك وانت ايها الزوج : لا تهين زوجتك.
اهانة الزوجة زوجها والمعايرة بظروفه
القصة
احمد: ياريت لو فاضية شوية انهاردة عايز احكي معاكي شوية
منى: فاضيه ؟ ياحسرة عليا اصل بتدخل عليا تلاقيني لافة شعري و حاطة منكير و وقاعدة مفرودة عالكنبة بتفرج عالمسلسل التركي
احمد: مالك ايه اللي بتقوليه دة ؟
منى: اصل انت يا حبيبي نايم في العسل وبتقولي لو فاضية ؟ وانا الكلمة دي نسيتها من ساعه ما اتجوزتك .
احمد : ليه بتقولي كده؟
منى: لأنك مش حاسس بالهم اللي ركبني بدري وانا لسة في عز شبابي من ساعه لما أصحى لحد ما انا م وانا عماله ألف في البيت زي الزنبلك اغسل واكنس وامسح واعمل اكل ليك واكل للعيال واغيرلهم وانت مش حاسس بيا.
احمد :بس أعمل ايه انا برجع مطحون من الشغل وبحتاج انام شوية عشان اقدر اكمل شغلي الثاني بليل.
منى: وياريت بسمع منك كلمة حلوة تجي من الشغل تقعد تتأمر عليا الاكل مش حلو البيت محتاج نظافة وكأنك اشتريت خدامة لا يا حبيبى كدة كتير انا شبعت الله يرحم لما كنت في بيت ابويا كان معززني ومهنيني
ومكنتش برفع كباية من مكاني مش بعد الجواز اتقلبت خدامة ليك لعيالك وحتى شبكتي خدتها بعدتها ومكلناش كام سنة جواز
احمد: اه انتى بقى بتعيريني عشان انا على قد حالي
منى: لا مش بعايرك انا بفكرك بجمايلي اللي مغرقاك انت وعيالك عشان تشكر ومتفتحش بقك وتعترض معايا لما تكون معززني ومهنيني زي ازواج اصحابي ابقى تعالي واتكلم ابقى ادخل وشوف صور اصحابي اللي في عيد ميلادها يجبلها خاتم واللى يجبلها غويشة وانا حتة بوكيه الورد مش بتجبهولي سيبني وحياه ابوك في الهم اللي انا فيه .
احمد: كل ده كتماه جواكي وساكتة
منى: ودة ولاحاجة من اللي جوايا بس لو طلعت هنفجر فيك فخليني ساكتة احسن .
احمد : بقى كده ؟ طيب خدي راحتك عالاخر انا سايبلك البيت وماشي
” دعونا نتأمل في هذا الحوار قليلا ” ونتدارك اخطاء الزوجة ونناقشها .
عندما يحدث شيء يغضبك سارعي الى زوجك وتحدثي معه ولا تراكمي الامور لان في أي مرة الكبت سيولد غضب شديد لدرجة الانفجار .
ان كنتي تعرفي ظروف زوجك من البداية وارتضيتي فلا تعايريه فيما بعد لان معايرته تشعره انه غير قادر على تحمل مسئولية الأسرة وهذا يخدش رجولته وتهينه جدا فياما ترضي ان تكوني معه عالسراء والضراء او ترفضي من البداية
لا تقارني زوجك بأزواج اصدقائك لان المقارنةسوس ينخر في العلاقة الزوجية فلا تممي كل الازواج واحد او تطلبى من زوجك ان يفعل ما يفعله زوج صديقتك معها لناها اشياء تهين الرجل.
الرجل يحب الكلمة الحلوة التي فيها تقدمي كلام تقدير لمجهودة وتعبه في مسئوليات البيت.
كوني شاكرة وراضية وادعي الى الله ان يحسن احوالكم ستجدي زوجك يرزق من حيث لا يدري.
لا تتجادلي مع زوجك في وجود الاطفال فيشعرون بالجحود على والدهم لأنه أغضبك بل وسيكرهوه لأنه قد سبب لكي كل هذا المعاناة والعذاب .
لاتشكي من اطفالك امامهم لان هذا سيشعرهم بالذنب لما يتسببوة لكي من متاعب ولكن احمدي الله على نعمة الانجاب وكوني ام مثالية لهم وتعلميهم ان يشكروا على كل حال ويشكروا والدهم على مجهودة معهم.
