كلام الحب جميل لكن الفعل أجمل ،مين فينا مش بيحب كلام الحب . مين فينا مبيحبش يسمع كلام حب لكن ايه رأيكم لو الحب اترجم لافعل؟
كلام الحب جميل لكن الفعل أجمل
لو عايزين نتكلم عن الحب يبقى لازم نحط نقطه مهمه فى بالنا . افتح قلبك وعقلك مع بعض واوعى تقفل الباب فى وش عقلك
وتسيب مشاعرك هى تمشيك . طب ليه ؟
اولا:
لان الحب ليس فقط عباره عن مجموعه مشاعر نخرجها للشخص اللى بنرتاح له .لكن الحب فعل ” كلمه مهمه اوى “
ثانيا:
لما بنحكم العقل مع القلب بنخلق حد مسئول قادر ياخد قرار ارتباط بشكل سليم .
وهيبقى مسئول فى حياته وعن اسرته بشكل متكافئ .
بالرغم من ان الارتباط بيبدأ باحساس بالحب او الاعجاب لكن مش هتحس بكلمه
” بحبك الا لما تكون قدها” وعارف
توابعها وعارف ان الكلمه دى هتخليك مسئول عن شخص اخر واسره جديده واطفال .
فالحب مش شويه رسايل حلوة ومسجات . الحب مش شويه اغنيات وغراميات .
الحب مش شويه مقابلت ولقاءات . الحب هو وجه اخر لعمله تحمل المسئوليات وانى اكون قد قرار تكوين عائلات .
كمان لازم نعرف الطرف التانى كويس قبل ما نقرر نتجوز . لازم نعرف ازاى نتجوز صح الاول .
فاوعى تختارى حد لما بيكون مبسوط بتحسى انه الشاطر حسن رافعك على بساطه وطاير فى الجو .
ولما تعملى حاجه غلط او يكون زعلان . ينزلك تحت الارض . وبعد كده يقدم اعذار لنفسه .
وطريقه معاملته معاكى ” انه كان مضايق ولازم تعذريه “
لكن المهم نختار حد صح . نختار حد عارف يكون قريب مننا بغض النظر عن نفسيته .وظروفه. ومشاكله بمعنى تانى
” شخص يريحك “ .
لازم يكونوا الاتنين دول عارفين يعيشوا مع بعض على الحلوة والمره فعلا.
مش لما الظروف تكون كويسه يبقوا شايلين بعض شيل ولما تكون الظروف مش تمام يدوسوا على بعض . ويطلعوا ضيقهم على بعض. وخنقوا على بعض .
الاحترام هو الخط الاحمر اللى رغم اى قرب واتحاد بين الطرفين لا يزال الاحترام خط احمر
لا احد يتعداه حفاظا على كرامه الاخر ومكانته وقيمته .
