كيفية التعامل مع الزوج البخيل أو يصرف بدون مسؤولية

كيفية التعامل مع الزوج البخيل او غير مسئول يعنى بيصرف الفلوس بدون مسؤلية ويرجع يداين او يبقى شحيح معاكى لانه صرف فلوسه على حاجات ملهاش لزمة وتحصل مشاكل ازاى تتجنبى المشاكل دى و كيفية التعامل مع الزوج البخيل .

كيفية التعامل مع الزوج البخيل أو يصرف بدون مسؤولية

كتير من الزوجات بتعانى وتشتكى ان زوجها بخيل وشحيح  ،ولكن سوف نسالك سؤال اولا :

هل يكفى احتياجات المنزل والاولاد ولكن لا يأتى بأشياء ترفيهية مثل تجديد السيارة او الهاتف او تجديد شىء سليم ولكن من باب التغير اذا كانت الاجابة نعم فهو ليس بخيل ولكن حريص

الا يبذر امواله وطالما يكفى احتياجاتكم المادية فيمكنك ان تأخذى منه ما تريدى بالحب والاهتمام وطلب الشىء بمودة ورحمة ان كان لديه المقدرة المادية

فلا مانع من وقت لاخر تذكريه والالحاح يجعله يعطيكى مع الوقت ولكن التذمر والمشاكل لن تؤدى الى شىء ويمكنه ان يريد ادخار شىء للزمن فلا مانع فهو بذلك على حق ويجب ان يشركك فى ذلك

اما ان كان بخيل ولا يؤدى احتياجات بيته واولاده وزوجته على اكمل وجه والضرورية طبعا اولها فهو بخيل على الزوج شرعا وقانونا الانفاق على اهل بيته وسد واحتياجاتهم وما ينقصهم اما من لا يرغب بذلك لانه بخيل بالفطرة والبخل مرض بالانسان يمكن ان نتحايل عليه ببعض الحيل ليكون كريم معكى

– مينفعش انك تنعتيه بالبخيل ممكن تقوليله بهدوء انت حريص زيادة عن الزوم وانا ساعات ببقى محتاجة حاجات ضرورية للبيت انا والاولاد واحنا ملناش غيرك وكلام حنين صدقينى بنسبة كبيرة هيلين

– لما تكون امام الناس لا تذكرى بخله ابدا ولكن امدحى كرمه معك ومع الاولاد صدقينى ممكن يحاول يبقى كريم للحفاظ على هذه الصورة

– اكدى له انك فاهمة انه قلقان من المستقبل عشان كده مقدرة اللى بيعمله لكن فى ضروريات لازم نشتريها ومن نحيتى هحاول اوفر قدر الامكان بس اهم شىء اننا لا نحرم اولادنا او انفسنا

– الشفافية فى التعامل كل مناسبة اقعدى وفكريه بهدوء ان دى مصروف ضرورى لازم يتدفع مثل مصاريف الحمل او الولادة او العيد او المدراس او تجديد اشتراك او دفع فواتير

– ممكن تقعدى معاه وتعملى قائمة بطلبات الشهر وتقعدى معاه عشان تفهميه محتاجين ايه عشان لو نقص حاجة من القائمة لو مش ضرورية ممكن تتغاضى عنها فى سبيل دفع باقى الاشياء

– اذا كان ميسور الحال وبخيل جدا ولا يسد اى مبلغ للاحتياجات الضرورية فلك ان تأخذ على قدر احتياجاتك الضرورية انتى والبيت والاولاد ونقول الضرورية فقط وهذه لا تعتبر سرقة طالما هو بخيل ولا يعطى اموال للطعام او المدرسة

او العلاج ونكرر الضرورية وليس لاخذ مال للترف فاخذ مال للتطرف يعتبر سرقة اما اخذ ما يحتاجه المنزل والاولاد فقط وضروراتك الشخصية فهو لا ضرر منه خشية من حدوث مشاكل وادعى له بالهداية وان يجعل الله فى قلبه الرحمة

 

الزوج الغير مسؤل

هو الزوج اللى بيبقى معاه فلوس بس بيصرفها على نفسه ويرجع يقولك معيش فلوس اصرف انتى معتمد عليكى انك هتتصرفى تستلفى من اهلك او تصرفى من اموالك الخاصة اذا كان لديك او من مرتبك ان كنت عاملة و ده لا يصح ان يكون رجل مسؤل لانه يعتمد على المرأة فى كل شىء وهو ليس السبب وحده اكيد انتى عودتيه على كده من اول مرة حصل فيها كده

كيفية التعامل معاه

اشركيه فى مسؤليات البيت والمصاريف عاوزين كذا وكذا وكذا

– اول ما يقبض الراتب تكونى مجهزة قايمة بطلبات الشهر تاخديها منه قبل ما يصرف الفلوس وتفهميه انك مش هتساعدى بعد كده لانك محتاجاهم

– كونى هادئة ودبلوماسية ومتخديش الموضوع بغضب عشان ميحصلش مشاكل

– عرفيه انك مش قادرة لوحدك وانه هو المسؤل عن كل الالتزامات بالبيت

– لو لاقتيه عنده لا مبالاة وطنش وراح صرفهم على اصحابه وبردوا رجع زى ما هو لا تصرفى بالبيت وعرفيه انك معكيش فلوس ولازم يتصرف هو لانه الراجل وهو المسؤل بس بدون خناق بهدوء

– ابتعدى عن اى اهانة تماما او معايرة بانك انتى اللى بتصرفى لانك كده ممكن تقعى فى الغلط وتخليه يمسك عليكى غلطة باهانة كرامته

– فكرى كويس هل زوجك غير منظم بطريقة مبالغ فيها ام انت دقيقة زيادة عن اللزوم

– مينفعش انك تتحملى المسؤلية تهربا من المواجهة او لانه مش عاوز يتحمل حاجة تصرفى انتى هتعوديه ان ده حق مكتسب وان مينفعش انه يساعد طالما فيه اللى بيدفع عنه ولا حتى تاخدى من والده او الدته فلوس بدل ما هو اللى يصرف عشان هو مديون وصرف فلوسه لان حماتك وحماكى مش هيعيشوا طول العمر اذا حدث شىء لا قدر الله هتصرفى منين لو انتى لا تعملى لازم هو اللى يصرف هو الراجل والمسؤل

– متعرفيش حد ان جوزك مش بيصرف فى البيت لانك هتطلعى غلطانة وبتفشى اسرار بيتك ولو وصله ممكن ياخد على كده ويتعود وبالعربى يتنح فيها بقا ما الكل عرف

– اذا وصل الموضوع لاخره ومفيش فايدة من كل المحاولات ممكن تلجأى لولده انه مسرف وبيخلص فلوسه ممكن يتكلم معاه او حد يكون بيحبه وبياخد بكلامه لو والده متوفى مثلا اخوه الكبير

– انت بقا دورك كبير فى تقويمه الراجل بيحب الحنية والدلع حسسيه انك محتاجه له محتاجة انه يؤدى احتاجاتك المادية للمنزل والبيت عشان يحس انك مسؤلة منه حتى ولو كنتى بتعملى

– جربى مرة الشدة والحزم ومرة اللين يعنى بالبلدى كده شدى وارخى

– فى فرق بين انه بيصرف كل فلوسه بالبيت ومش مكفية وبين انه معاه فلوس وصرفها برة البيت او بخيل عليكى ومتواكل عليكى لانك بتتصرفى لو ظروفه المادية بسيطة ممكن تساعديه حسب مقدرتك طبعا اما لو مسرف ومتواكل فده يجب التصرف معه التصرفات السابقة

– ان كنت مديونة او هو لديه دين فيجب ان تصارحا بعضكما بذلك لعمل جدولة للديون ودفع جزء كل شهر

– اهم شىء انك تلحقى الفلوس قبل ما يصرفها وتشترى طلبات الشهر الضروية مثل الطعام والتزامات الفواتير و توفير جزء للمواصلات الخ

– لازم لازم تقعدوا مع بعض وتصارحيه باللى جواكى واللى مضايقك منه وتعرفى ليه بيعمل كده لان جلسة الصراحة دى بجد بتعلم مع الزوج والزوجة وتخليهم يغيروا نظرتهم للمشكلة بدل المشاكل اصعب مشكلة بتواجه اى مراة ان زوجها يكون غير مسؤل وعديم الاحساس ربنا يعين كل زوجة ويهدى ازواجنا للصالح ان شاء الله