كيف يعيش الزوجين في محبة ؟ ازاى نفضل بحب بعض ؟ ازاى نسعد بعض ؟ ازاى نفهم بعض. فى هذا المقال لكل زوجين ازاى تعيشوا فى محبة .
كيف يعيش الزوجين في محبة
اولا: عشتوا حياه زوجيه امينه
يعنى كل حد حاطط فى باله الطرف التانى . انه مينفعش يفكر فى حد غيره. مينفعش قلبه يميل لحد تانى .
مينفعش يخونه.
مينفعش يرتاح لحد اكتر منه .
ثانيا: سعيتوا لسعاده بعض
كل واحد بيقعد يفكر ازاى يبسط التانى. كلمه حلوة فى نص اليوم تعرف شريكك انه فى بالك حتى وانت فى شغلك ووسط زحمه مسئولياتك ورقه فيها كلمه بحبك يصحى شريكك يلاقيها سايبهاله.
فى عيد ميلاده مش ناسى ان ده احسن يوم لما شريكك جه فى الدنيا. عيد الحب دى فرصه زياده انك تعيد يوم الخطوبه وتفضفض بمشاعر حلوة .
وانتى تجهزيله جو البيت عشان لما يرجع يقدر يرتاح شويه من عناء شغله. عارفه تختارى وقت مناسب تحكى فيه عن مشاكلك واحتياجاتك .
ثالثا: سعيتوا لمسامحه بعض
نعيش فى محبه لو قادرين نغفر لبعض امور صغيره ممكن الشريك الاخر مكنش يقصد يعملها .
او عملها بقصد واعتذر ووعد انه ميعملهاش واحنا لسه مش قادرين ننساهاله وكل موقف نرجع القديم ونزله بيها .
لكن نعيش فى محبه لو ننسى اللى فات ونعتبر كل يوم جديد وعد جديد بالحب بيتجدد صفحه جديده بنكتب فيها احداث تشهد عن محبتنا ونمو وتطور علاقتنا .
كيف يعيش الزوجين في محبة ؟
رابعا: سعينا نفهم نفسيات بعض
اكيد هيمر وقت على كل واحد فينا هيكون مضغوط ومزنوق وكئيب .
لكن عارفين ازاى نتعامل مع شريكنا فى الوقت ده ونخفف عليه بدل ما نكون عامل ضغط اضافى عليه.
عارفين نبدل نفسيته ونخليه فرحان ومبسوط عارفين نفكر معاه ازاى نحل اى مشكله مش نرمى على بعض ونخلى واحد بس يتحمل بالمشكله وحلها .
فاهمين طريقه تفكير بعض . وبنعامل بعض بفكر عالى مش طفولى يزعل ويتقمص على اقل حاجه
خامسا: بنحترم بعض
لو عارفين حتى وقت زعلنا منغلطش فى بعض.حتى وقت مشاكلنا بنختار كلمات لا تهين ولا تجرح الاخر .
عارفين نحترم بعض للاخر .عارفين نوصل لبعض اننا غاليين عند بعض ومقدرين قيمه بعض.
عارفين ان ممكن لو كلمه طلعت مش فى محلها تهد كل اللى تعبنا فى بنيانه.
