دلعي نفسك عشان مفيش حد هيدلعك فالأمومة من أصعب المهام الحياتية وتسبب ضغط كبير للأم يجعلها في بعض الأحيان تنهار نفسياً، وقد يؤثر على أولادها ويكون تنفيس لتراكمات بالعصبية أو الصراخ عليهم، لذلك نقدم لكل أم أفكار رائعة تدلع بها نفسها عشان محدش هيدلعها. كل إنسان ملهي بحياته، صحتك بالدنيا عشان تقدري تواصلي دور الأمومة.
دلعي نفسك .إليكِ إقتراحات وأفكار رائعة
1- الصديق الوفي:
دائما ما تطلب الأم من والدتها أو حماتها أن تعتني بأطفالها أو تجلس مع الأولاد عندما نريد أن تذهب الأم للعمل أو لشراء إحتياجات المنزل
لذلك جاء وقت طلب صديقة للمساعدة فطفلك المحبب يمكن أن يجلس مع صديقتك للإعتناء به حتى تستطيع الخروج وشراء ما تحتاجينه لنفسك أو حتى تجلسي وحدك بالمنزل للإسترخاء والإعتناء بنفسك
دلعي نفسك مع اصدقائك
إتفقي مع صديقتك أو إثنين من أصحابك يساعدوا بعض، ويفضل لو صديقة عندها أولاد على جلسة نهارية في يوم أجازة تكوني محضرة لهم فيها أنشطة يعملوها سوياً و إنتي إنطلقي.
بنأكد على نهارية لأن الأولاد يبقوا في مزاج جيد نهارًا ولا يريدون النوم والموضوع يكون بالتبادل كده مرة على كل واحد.
ممكن نعمل جروب الواتس أب مثلاً ونسميه “دلع بلا أولاد” نجمع فيه كل الناس اللي عندها إستعداد تعمل ده وتستفيد منه، ساعتها لما تخططي خروجة لنفسك مش هتكوني قلقانة ولا مستعجلة، وهو ده المطلوب.
2- نصف نهار مثالي:
أجازة من الشغل، والأولاد في الحضانة، وتكوني محضرة فيلمين أو مسلسل، وعندك سناكس
وأنتِ بتشاهدي هتظبطي أظافرك أخيرًا وتضعي طلاء الأظافر أو مانيكير وماسك زبادي للوجه ومياه دافية بملح للأرجل، وتشربي قهوتك في هدوء.
ممكن تغلقي التليفزيون قليلاً وتستمعي إلى الموسيقى وتستمتعي بفعل اللا شيء. لا تطبخي لأولاد إطلبي أكل أو ياكلو ساندوتشات جبنة وبيض
لا تردي على الشغل ولا تفكري فلانة اللي إنتي مقصرة في حقها؛ ده وقتك المنتظر إللي مش هيتكرر كتير.
إفصلي من العالم نص يوم كده، إنتي مش مسؤولة عن حاجة إلا عن إنك تعملي حاجات بتحبيها في الـ4 أو الـ5 ساعات دول.
3- كنوز المطبخ:
دلعي نفسك بكنوز المطبخ، ممكن تقفي في محل من الماركات الغالية تجدي الـscrub إللي عاجبك سعره
غالي جداً فتقرري تنسي الموضوع، وبعد ذلك تكتشفي إن السكر الخشن مع زيت الزيتون ونقطتين زيت لافندر للرائحة الحلوة بيكون أحسن من أي scrub
الإنسان بيكتشف إن فيه كنوز في المطبخ وهو مش عارف، وجوجل هو صديقك في هذا الموضوع
فقط إبحثي على ماسكات منزلية (بالعربي والإنجليزي) ستجدي إنك لست محتاجة للذهاب لسبا بمبلغ مالي كبير وتنظمي كيف ستتركي الأولاد وغيره.
ممكن بعد ما الأولاد يناموا تدلعي نفسك بشاور طويل وسبا مكوناته موجودة في البيت.
4- مهاراتك المنسية:
الدلع حالة نفسية، مهم عشان تدلعي نفسك إنك لا تتجاهلي رسوماتك التي ترسميها في كعب الفاتورة
وإنتي سرحانة، ولا الصور المركونة في الموبايل اللي ممكن يطلع منها شغل حلو.
أي هواية حتى وإن كانت تافهة ولكنها تسعدك. أنتِ تحتاجي أن تشبعي نفسك حياة بالإستفاضة
في تعلم الحاجات التي تشعرك بالشغف. لن تشعري بالدلع وأنتِ مكبوتة.
5- إزي الصحة:
دلعي نفسك الدلع الحقيقي أن تسمعي صوت جسمك ومشاكله الصحية.
لا تتجاهلي البقعة الفلانية ولا ألم العظم ولا تساقط الشعر..إلخ. كل المشاكل الصحية التي تعتبريها تافهة
ويوجد حاجات غيرها أولى هي في الحقيقة مؤثر كبير عليكي وعلى حالتك النفسية.
دلعي نفسك بإنك تذهبي للطبيب وحافظي على مشاعرها، كيف ستشعري إنك متدلعة وإنتي هلكانة وجسمك بينهار ومحدش حاسس بيكي؟
حللي بشكل دوري وتأكدي إن ليس عندك نقص في فيتامين د أو غيره، نقصهم يؤدي إلى إكتئاب ويمكن أن يكونوا سبب في تعاستك وأنتِ لا تدري.
6- إمدحي نفسك:
أخيرًا وليس آخرًا الدلع الحقيقي هو صوتك لنفسك، دلعيها وإمدحيها على إنجازاتها اليومية التافهة قبل المهمة
إصنعي “برطمان الدلع” وإكتبي كل كام يوم ملحوظة لنفسك كده عن جمالها وقيمتها وضعيها في البرطمان.
إعملي تذكيرات عشوائية على موبايلك بتقولك إنك هايلة ومتنسيش إنك حققتي كذا وكذا.
مثلما تشعري بالذنب وتجلدي نفسك إنك زعقتي في الأولاد
إمدحيها لما تنجحي في إحتوائهم.
محتاجين صورتنا عن أنفسنا تتغير كي نقدر نسعد من قلبنا ونتدلع
