مشاكل الزواج في السنة الاولى كيف تتجاوزيها ؟

اكتر سنة بيحصل فيها مشاكل في الجواز هي اول سنة وبتكون الخلافات اعلى ما يمكن لدرجة انه بيقرروا الانفصال والطلاق وهما ميكونش مر عليهم كام شهر جواز وفى هذا المقال سنناقش مشاكل الزواج في السنة الاولى كيف تتجاوزيها ؟

مشاكل الزواج في السنة الاولى كيف تتجاوزيها ؟

اولا: لنتعرف لماذا تعد سنة اولى جواز أزمة وقد تصل للطلاق:

ممكن لان احد الطرفين مداش لنفسه فرصة يتكيف ويعيش في وضع جديد وحياة جديدة لو احد الطرفين معندوش استعداد يتغير عشان الجواز يمكل وكل واحد متمسك بفكره ومتصلب. اختلاف الطباع بين الزوجين تؤدي لاحتكاك جامد وتصادمات بينهم .

لو كل طرف من بلد ليها لغتها وليها عادتها وثقافتها ومفاهيم اخرى للحياة لما يتجوزوا يحسوا ان بينهم مسافة كبيرة جدا نتيجة اختلاف اسلوب التربية واللغة والعادات.

او احيانا نتيجة التعلق الغير صحي بالاهل نفسيا فلا تزال البنت بعد الزواج متعايشة بنفسيتها مع اهلها وتحكي معهم عن كل كبيرة وصغيرة في البيت واللى يقلولها عليه تنفذه بغض النظر عن رأي زوجها وتحصل مشاكل كبيرة لأنها عايشة مع اهلها مش مع جوزها .

كمان الازواج اللي اتعودت تشوف افلام اباحية قبل الجواز بيكونوا كونوا صورة غلط عن الجواز وان هو ده الجواز ولكن بيتصدموا بعد الجواز في حياتهم الجنسية لأنها مش زي ما رسموها في خيالهم من الافلام وتنشأ مشاكل قد تصل للطلاق.

ايضا قد تكون المشاكل بسبب اكتشاف الطرف الاخر وجود مرض او عجز جنسي لم يصرح به قبل الجواز واثر على العلاقة الزوجية. ايضا لو الزوجة اتعرضت لتحرش جنسي قبل الجواز بترفض جوزها يقرب منها بعد الجواز وجوزها لو لم يساعدها في تجاوز تلك الازمة هتحصل مشاكل كتيرة .

كمان السنة الاولى اكثر مصادمات بتحصل لانهم حياة جديدة بيكونوها هما الاتنين لسه مخدوش عليها ومتأقلموش عليها كمان لو فرق السن كبير بين الزوج والزوجة بيجدوا صعوبة في التواصل معا وان تكون هناك ميول مشتركة بينهم فتحدث مشاكل كبيرة قد يشعر احد الطرفين انه كان قرار خاطئ من البداية ويقرر طلب الطلاق.

لو لو المتزوجين صغار في السن ولسة لم تتكون في عقلهم معنى فتح بيت وتحمل مسئولية الشريك الاخر والتزامات البيت . لو كان كان واحد مركز على اهتمامته الشخصية واحتياجاته فقط ويتجاهل الطرف الاخر كل طرف بيتسرع في الحكم على الطرف الاخر تدخل الاهل في البيت وكأن الزوجين غير موجودين تماما .

 

 

ثانيا: ازمة سنة اولى جواز كيف تتجاوزيها؟

كل واحد يسيب اللي اتعود عليه في بيت أهله ويحاولوا هما الاتنين يعملوا ويشكلوا لغة جديدة لبيتهم الجديد . يقعدوا مع بعض ويحكوا مع بعض بخطوات عملية أزاي هما الاتنين يبقوا حاجة واحدة وكل واحد يمشي خطوة ناحية الاخر عشان يقرب منه ويقصر بعد المسافات.

عند وجود اختلافات بينهم يشوفوا شخص متخصص مشورة اسرية ليقدم لهم الدعم ويساعدهم على حل المشكلة خطوة بخطوة حتى نصل لبر الامان .

عمل جلسة توقعات ” أي كل طرف متوقع اية من الطرف الاخر في الجواز فلو متوقعة حب فلازم يترجم لافعال مثل احترام الزوج امام الناس والاولاد فيما بعد وهكذا لان صعب في اول سنة جواز نفهم افكار بعض فلازم نحكي مع بعض بصراحة بحيث يقدم كل طرف صورة ذهنية عن الطرف الاخر مش مثلا الزوج داخل الجواز ومتوقع ان مراته تعمل بالظبط زي ما كانت والدته تعمل معاه .

اسعى انك تسمع باصغاء الطرف الاخر مش سيطرة وكلامك يمشي وخلاص. نجلس معا لنضع قواعد في البيت الجديد واللي مش هي قواعد بيت اهله او اهلها لكن قواعد تناسب البيت الجديد .

مثلا: يكون الغدا في البيت مش مع برا البيت زي قبل الجواز ،ان يكون الاولوية للبيت مش الاصحاب زي قبل الجواز لابد ان يعلما الزوجان ان اهم مبادئ الزواج الناجح = تنازل ومصلحة الطرف الاخر اولا واعطاء الاخر وليس التفكير فقط في الاخذ .