إلي كل زوج نصائح للفصل بين مشاكل الشغل والبيت

نصائح للفصل بين مشاكل الشغل والبيت ،ملايين من الزوجات بيرددوا الكلمة دى جواهم او بيتمنوا تحصل معاهم لنا في العادة الزوج بيرجع من الشغل تعبان وطهقان ومضايق ويطلع ده في البيت وعلى اطفاله للاسف . والموضوع ده مش بس بيزعل الزوجات لكن كمان الاطفال لانهم بيكونوا مستنين رجوعك ليهم ولعبك معاهم . ولكن أزاي توصلى لجوزك الفكره دى وتساعديها ينفذها ؟سنتعرف علي نصائح للفصل بين مشاكل الشغل والبيت والحياة الشخصية في هذا المقال

إلي كل زوج نصائح للفصل بين مشاكل الشغل والبيت

مكانه الشغل عند الزوج اكبر بكثير من عند المرأة لان الراجل بيعتبر شغله ده مكان تحقيق ذاته واثبات شخصيته وتحقيق طموحه . ففي الشغل بيحس بالانجاز . وده جزء اساسى من حياته .

لكن المشكلة للاسف انه صعب يدخل البيت وهو ناسى ايه اللي حصل معاه في الشغل .لكن للاسف ازواج كتير تقعد في البيت ومخهم لسه في الشغل او يقعدوا بمشاعر الشغل .

ده طبعا مش صح . لان مينفعس تكون علاقتك بمراتك واولادك تبقى تحت رحمه ظروفك في الشغل . وتطلع غضبك في الشغل وضغوط شغلك على ولادك اللي ملهمش أي ذنب او على مراتك .

طبعا كل زوجه مدركه قد ايه انت بتتعب في الشغل وقد ايه ان كيانك وشعورك بالأمان بتستمده من تحقيق ذاتك ونجاحك في شغلك . بس ده ميمنعش برضوا انك لازم تفصل بينهم .

 

 

لكن نصيحه لكل زوج :

خليك وسط المطر لكن متتبلش . يعنى ايه ؟

يعنى خليك في الشغل ومشاكله وهمومه لكن اصرفها اول بأول وانت راجع لبيتك زمتخليش شغلك هو المتحكم في مزاجك وحياتك .

ولازم يكون عندك وعى ان لما بترجع البيت كل مره وانت مضايق حتى لو مراتك مش قادره تكلمك وتعبر عند كده فهي زعلانه وهيأثر ده بشكل او الثاني على علاقتكم سوا وقدرتكم على الاستمتاع بالحياه .

ولازم كمان تعرف ان مراتك اللي قاعده طول اليوم لوحدها مشتاقه لرجوعك عشان تتونس بيك وتحكى معاك . وولادك نفس الكلام فده لوحده يستاهل انك تنسى الدنيا وكل ما فيها وتركز مع عيلتك الصغيرة .

طبعا لازم كمان الزوجة تساعد جوزها انه يعمل كده مش اول لما يفتح الباب تديله فوق دماغه وتحكى عن كل المشاكل اللي حصلت مع العيال وفى مدرستهم ومع الجيران وعن ده قال ودى قالت وعملت . مش كده الرحمه شويه .

لكن حلو انه لما يرجع من الشغل يلاقى مراته جاهزة بابتسامه حلوة تنسيه ضغوط وزنقه شغله . ويلاقى اكله حلوة وبيت نضيف يخرج جواه أي طاقه سلبيه واي حزن . تهيأه الجو دى مهمه جدا خلى بالك كمان لو كان راجع من الشغل تعبان وقرفان مش لازم تلحى عليه يحكى ايه اللي حصل .

سيبيه يرتاح شويه ومش هيجرى حاجه لو عرفتى بالليل او اليوم اللي بعده بدل ما سؤالك ده ميكونش في وقته وتتعبيه اكتر كمان لازم تعرفى ان طريقه الراجل في التفكير تعتمد اكثر على الواقعيه والحقائق يعنى نادرا ما يطلع كلمه ” انا حاسس بكذا ” فخليكى ذكيه وافهميها وهى طايره كده . او تساعديه يعبر عن مشاعره وعن مشاكله .

وخلى بالك كمان اكتر حاهج تدى الراجل الامان هو الاحترام وشعوره انه متقدر . فخلي كلامك دايما معاه فيه احترام وتقدير لتعبه عشانك وعشان الولاد . ده هيساعده في الانجاز في شغله اكتر وشعورة انه قادر على تحمل المسئولية وهتخليه سعيد ومبسوط وهو راجع للشغل تانى يوم .