اكتر حاجه بتخلي الواحدة لا تكمل الريجيم هو انها زهقت من تكرار نفس اصناف الاكل ونفسها في اصناف جديدة و افكار لوجبات الرجيم ،وفي هذا المقال سنقدم عدة افكار لوجبات الرجيم خفيفة وسهلة وسريعة تجددي بيها ايامك حتى لا تشعري بالملل.
افكار لوجبات الرجيم خفيفة وسهلة وسريعة
بدل ما تاكلي الزبادى منزوع الدسم لوحدها حطي عليها مكعبات من التفاح .
في يوم تاني حطي على الزبادي 2 ملعقة من بذر الكتان هيجدد طعمه اليومي .
في يوم تاني حطي على الزبادي رشة سمسم هيديها طعم جميل وفايده اغنى .
في العشا بدل ما تشربي كوب لبن خالى الدسم لوحده حطي عليهم شويه كورن فليكس مع معلقه عسل هتشبعي وفى نفس الوقت عشاء صحي وينفعك في الريجيم.
حاول متقعديش وقت طويل من غير اكل لكن بعد كل وجبة اساسية بساعتين خدي ثمرة تفاحة – او كوباية عصير برتقال .
بعد الفطار بساعتين كدة قطعي خيارة وجزرة وثمرة بروكلي وكليهم
بدل ما تاكلي فراخ مسلوقه اعملى فراخ بالطريقه الصينية
كالاتي :
” صدر فرخة شرائح+ كوب كرنب احمر شرائح+ بصلة صغيرة شرائح + جزرة شرائح+ فص ثوم + نص معلقه صويا صوص وقلبيهم على النار مع رشه جنزبيل حتى يستوا ” اكله صحيه وبطريقة جديدة.
متنسيش قبل كل غدا تاكلي طبق سلطة
ممكن في العشا تعملي سندوتش جبنة قريش او كوباية عصير برتقال.
طريقة حلوة للكفته ” اعملى كفته اللحم بالشوفان ” بالطريق دي :
120 جرام لحم بقري مفروم+ 2 مل شوفان + 2 مل بصل مبشور + 2 مل بقدونس = فص ثوم+ ملعقة فلفل رومي ورشة زعتر اخلطيهم واعمليهم صوابع ودخليهم الفرن هتاكلي صوابعك وراها. ممكن كمان في العشا تجيبي علبه تونه تصفي الزيت منها مع شويه سلطة وبالهنا والشفا.
ممكن كمان لو زهقتي من اللحمه والفراخ تعملى صدر ديك رومى بالخضار بالطريق دى :
” 150 جرام شرائح صدر رومى + فص ثوم+ ملعقة زنجبيل + ملعقة بصل + ملعقة فلفل رومي + كوب خضار مشكل ” وحطيهم في صينيه بيركس في الفرن وبالف هنا وشفا.
ممكن كمان في يوم عالغداء لو مكسلة تعملى طبيخ :
تفتحي علبه تونة وحطي عليها معلقه زيت زيتون+ 2 مل طماطم + ملعق خل بلسمك + كوب خضار مسلوق ”
مشروم وبسله وفاصوليا حمرا وفاصوليا خضراء ” وكليهم مع عيش محمص هيبقى طعمه روعه.
ممكن كمان تعملى كفته فراخ لو زهقتى من كفته اللحم بالطريقه دي :
” 120 جرام لحم دجاج مفروم + 2 مل كوسه + 2 مل جزر +2 مل بصل مبشور + 2 مل سبانخ مفرومه + فص ثوم+ كوب عصير طماطم مغلية واعملى معاها سلطه زبادى ” زبادي + خيارة + رشه نعناع” وبالف هنا وشفا.
لازم تخلى مره كل اسبوع سمك مشوي بالخطار بالطريقه دى :
” كوب خضار مشكل عباره عن بسله وبطاطس وجزر + ملعقة عصير ليمون + 200 جم سمك فيليه وتحطي ملعقة زيت زيتون وعالفرن علطول
ممكن كمان يوم تعملي مكرونة بالجمبرى بالطريقه دي :
” فص ثوم + 120 جرام جمبري + ربع كوب ماء سلق المكرونة + 2 لعقه لبن + ملعقة كريمة حمضيه قليله الدسم + 5 ملاعق مكرونة مسلوقةمع رشة زعتر ورشة بقدونس وبالف هنا.
