متى يجب تناول الفيتامينات في بعض المعتقدات الخاطئة اللي بنؤمن بيها زى فكره خدى الفيتامينات دى مش هتضرك بالعكس هتقويكى وتخلى وشك زى الورد .ونجرى نجيب الفيتامينات ونقوم مش هنخسر حاجه دى مجرد فيتامينات هتقوينا مش هتضر . لكن لازم نعرف ان الفيتامينات دى او أي مكملات غذائية هي في الاول والاخر ” دواء ” وله جرعات, دواعى استعمال , فتره استعمال .ولا يجب حدوث تجاوزات في تناول الفيتامينات . بل ويجب ان تخضع لوصف طبى .في هذا المقال سنتحدث عن متى يجب تناول الفيتامينات و المكملات الغذائية؟.
متى يجب تناول الفيتامينات والمكملات الغذائية ؟
اولا: ماهي النقاط الذى لابد ان نراعيها قبل شراء الفيتامينات ؟
دواعى الاستعمال
-مش معنى ان جالك شويه صداع تقول ده ارهاق اخد فيتامينات
– مش معنى انك مبتاكلش كويس تقول هعوض واشترى فيتامينات
– مش معنى انك حسيت بدوخه تقول اروح اشترى فيتامينات
-مش معنى ان وشك مصفر تقولى اروح اشترى فيتامينات عشان يلون ،لان ممكن تكون
الاعراض دى لحاجه تانيه خالص مش زى ما انت فاكر ان الموضوع حله قرص فيتامينات
الشكل الصيدلى
الفيتامينات تختلف صورها في الصيدليات فمنها كبسولات , منها ادويه شرب , منها حقن .
ولكن صوره صيدلانيه دواعى استعمال معين .
لان امتصاص الدواء من الحقن اسرع من الكبسولات والشرب .
فيمنفعش نجرى نقول اخد حقن احسن من الكبسولات
لأنها هتدى مفعول مضاعف ممكن يضر جسمك وانت في غنى عن كل ده .
فخلى بالك
الأدوية الاخرى التي تتناولها
– لازم نعرف كمان ان في ادويه فيتامينات بتتعارض مع ادويه تانيه وممكن ياما تزود مفعولها ياما بتقلل مفعولها فلازم نكون معرفين الدكتور كمان اللي هيكتبلنا فيتامينات احنا بناخد ادويه ايه معاها.
خاصه لو ادويه : ارتفاع ضغط الدم – ادويه مرضى السكرى – ادويه الاكتئاب
الجرعه والمدة التي نتناول فيها الفيتامينات
مينفعش نقول من دماغنا هناخد قرصين كل يومين عشان يجيبوا مفعول اسرع .
او همشى على الفيتامينات دى علطول لأنها بتقوينى .
لكن لازم نعمل تحليل دم الاول نتأكد ان فعلا نوع الفيتامين ده ناقص في الدم .
ولو ناقص ناقص قد ايه ؟ عشان نعرف هناخده بجرعه قد ايه , لمده قد ايه .
ثانيا: بعض الفيتامينات التي لا يجوز تناولها بدون ارشاد طبى وتحليل
فيتامين د
– كتير اول لما يحسوا بألم في العظم يجروا يشتروا فيتامين د وياخدوه عشان عظامهم تتقوى .
وده غلط جدا لان لازم تحليل دم والنسبه الطبيعية لفيتامين د ” 30- 100 ” لو قل عن 30 مثلا 10 .
يبقى لازم ناخد فيتامين د …. ولكن بجرعه محسوبه ولفتره محسوبه لان لو زاد تركيزه في جسمنا عن 150 بيتحول لحاجه سامه وتؤذى الكلى .
فلازم اعمل تعليل واعرف من الدكتور هل اخده نقط أم حقن أم اقراص . لان الحقن في حالات النقص الشديد فقط لا غير
فيتامين ب12
– ناس كتير خصوصا مرضى السكر يقولوا لازم ناخد فيتامين ب علطول عشان يقوى الاعصاب وده غلط لان لازم احلل الاول فيتامين ب واتاكد انه ناقص في الدم .
ولو زاد هتحدث اعراض تسمم وتظهر اعرضها كالاتي ” تنميل , تساقط الشعر, عصبيه .
لازم كمان نعرف ان ادويه الحموضة بتقلل امتصاص فيتامين د , فيتامين ب12 لان الفيتامينات دى بتحتاج وسط حمضى فلا تبالغى في تناول مضادات الحموضة ان كنتي تتناولى تلك الفيتامينات .
ولهذا يجب ان نتأكد من الطبيب حاجتنا للفيتامينات دى قبل تناولها وبلاش نسمع كلام أي حد بيقول ” خدى الفيتامينات دى هتقويكى ”
