نقدم لكم مجموعة افكار لترتيب المنزل ، يوجد في كل بيت كراكيب وأشياء كثيرة نريد الاحتفاظ بها ولكن نختنق من الفوضى والكركبة، غير سلوك الكهرباء الكتيرة وراء شاشات التليفزيون و أجهزة الكمبيوتر و مش عارفة تجمعيهم في مكان واحد و تخفيهم من الأنظار أو من أيد أولادك الصغيرين
ده غير الشامبوهات, الصابون, الليف و معطرات الجسم اللي موجودين عندك في الحمام و مش عارفة تخبيهم عن عيون اطفالك لذلك نقدم في هذا المقال افكار لترتيب المنزل بالصور ويصبح جاهز لإستقبال الضيوف في اي وقت .
افكار لترتيب المنزل بالصور بطريقة ذكية
1- لو زهقتي من شكل غسالتك التقليدي السادة ممكن تشتري أستيكرات بسطية
و سعرها رخيص و تلزقيها عليها و تغيري من شكلها كل فترة.
2-لو كنتي خلصتي دراستك أو حتى أولادك ممكن تستغلي الكتب دي و تعملي منها غطا للأجهزة المختلفة اللي موجودة عندك فالبيت زي الروتر مثلا.
3-كمان تلاجتك القديمة أو اللي زهقتي من شكلها بأفكار سهلة بسيطة و رخيصة تقدري تغيري من شكلها.
لو مش عايزة تشتري أستيكرات و تكلفي نفسك ممكن تجيبي طباشير و ترسمي عليها الأشكال اللي أنت أو أطفالك بتحبوها.
4- دي برده فكرة لذيذة تقدري تحطي فيها المناديل الورقية فوق الحوض علشان تنشفي وشك و كمان علشان تكون قريبة منك.
5- لو بتشتري غسول أو صابون وجه سائل و مش عايزة تبيني ماركتهم أو حتى علشان متتحطيش في مواقف محرجة قدام ضيوفك تقدري تحطيهم في زجاجات شفافة و برده هيكون شكلها جميل.
تابعي معنا الأفكار والصور
6- تقدري تغطي الحيطة المشوهة اللي في بيتك بباب خشبي أو حتى ببرواز قديم
منها هتخبي الحيطة اللي مضايقاكي و منها تزودي منظر جمالي جديد لبيتك.
7- لو مسافرة لفترة طويلة و خايفة من السرقة ممكن تحولي تلفزيونك لبرواز و هيبان طبيعي جدا من الشباك للمارة اللي فالشارع.
8- أسلاك التليفزبون اللي مضايقاكي و اللي مش قادرة تخبيها ممكن تزينها بالأشكال دي و كمان هتضيف لأوضتك منظر مبهج.
9-عايزة تخبي أو تشيلي البرينتر في البيت في مكان بعيد عن أولادك و ميخدش حيز من الفراغ
ممكن تحطيه في درج دولابك او درج الشفنيرة.
10- علشان تخبي سلوك الكهرباء اللي ورا مكتبك من غير ما تكلفي نفسك
حطي قطة قماش سودا ورا المكتب أو أي لون قماش تاني مناسب للون مكتبك.
