اللهم بلغنا رمضان ، بدلا من شراء زينة رمضان دى فرصة كويسة انك تعملى مع أولادك زينة رمضان من الورق بأفكار كتير بتكلفة اقل وهتوفر اوى وكمان نشاط مفيد لهم ليشغلوا وقتهم بالاجازة بشىء مفيد يحببهم برمضان ويربطهم به ، لكِ طريقة صنع فوانيس من الورق المقوى الملون مع اطفالنا لاستقبال رمضان وتزيين
أعملى مع أولادك زينة رمضان من الورق بأفكار كتير
طريقة فانوس من الورق لتعليقه
هنحتاج الى
ورق مقوى ملون
مقص
لاصق
الطريقة
نأخذ قطعة ورق مستطيلة طولها 15سم × 30سم
يتم طى الورقة من الضلع القصير بحيث يكون طولها بعد الطى 7.5سم × 30سم
نقص شرائط طولية فى الورقة المطوية بحيث لا نصل لاخر الورقة على مسافات متساوية
حتى نحصل على هذا الشكل شايفين علامة الطى ظاهرة فى الشرائط
على حرف الورقة ندهنها باللاصق
ثم نلصق الحرف جيدا
ليصبح عندنا فانوس نقطع ورقة او شريط بلون اخر وندهن حروفه لعمل يدى الفانوس
نلصقها جيدا من الداخل
وده هيكون شكل الفانوس النهائى
الفانوس بألوان وطريقة مميزة
نقوم بثنى الورقة نصفين ونقطعها بالشكل دا
ممكن نزينه باشكال من الورق بلصقها او ازرار
ممكن نعمل ثقوب فى اعلى الفوانيس وبالخيط البلاستيك او اى نوع خيط سميك نوصلهم ونعلقهم
وممكن نضع الشمعة الفواحة الصغيرة ذات القاعدة المعدن بداخلهم ونضيئها
وممكن من يدى الفانوس نعلق مجموعة فى الغرفة او حجرة المعيشة
مجموعة فوانيس من الورق
هنحتاج الى
ورق مقوى
الوان فلوماستر
مقص
مسطرة لرسم الخطوط
زينة رمضان من الورق
الطريقة
يتم رسم فانوس على ورقة بالقلم والمسطرة على ورقة فرخ كبير ولكن على حرف الورقة لنكرره
يتم طى الورقة بحجم الفانوس اكثر من مرة
ثم نقص الفانوس وما تحته من ورق مطوى ولاصق به بنفس الرسمة
من الورق المقوى ممكن نقص نجوم ونلونها ونلصقهم بالخيط ونضعهم على الحائط
ودى اشكال اسلامية لمحبى الرسم
وده هلال ولاصقين فيه نجمة للتعبير عن الشهر الكريم وموصلينهم بخيوط ومعلقة بالنجفة
ودى فكرة جميلة اى برطمانات صلصة او مربى لا ترميها ضعى بداخلها شمع فواحة وخلفيها بورق مقوى وملون بعد تفريغه بالمقص او عمل زجزاج به مثل طريقة الفانوس ونلصقه بغراء فى البرطمان
وده استيكر فسفورى متوفر بالمكتبات بمجرد اننا نطفىء النور هو يطلع ضوء مثل سبحة نور الصباح
يا رب الافكار تكون عجبتكم وكل عام وانتم بخير
