تعد الحقن أحد صور الأدوية التي يتم إعطاؤها للطفل، ولكنها قد تشكل بعض الخطورة إذا تم استخدامها بشكل خاطئ لذلك خللي بالك ممنوع منعاً باتاً إعطاء حقنة في عضلة الالية للأطفال أقل من ٣سنوات للأسباب التالية
أسباب منع إعطاء حقنة في عضلة الالية للأطفال أقل من ٣سنوات
عضلة الإلية في السن دا بتكون صغيرة وغير سميكة .يعني العظام بتكون قريبة من الجلد ودا بيخلليها عرضة إنها تتجرح من الحقنة واللي بيؤدي الى التهابات ولا قدر الله يؤثر على المشي مع تقدم العمر.
عضلة الإلية توزيع الأعصاب فيها في السن الصغير دا بيكون صعب تتبُّعه وكمان بتحتوي على أعصاب رئيسية بتغذي الرجل كاملة ودا بيخللي إصابة أي عَصب سهل و الطفل بياخد الحقنة مما بيؤدي إلى فقد الإحساس في المنطقة دي وساعات شلل .
كمان توزيع الاوردة بيكون غزير و دا بيسبب أوقات كتير تجمعات دموية تحت الجلد و ممكن نزيف فيد الأطفال اللي عندهم سيولة .
سُمْك العضلة القليل بيخللي تكون الدمامل والتليفات بعد إعطاء الحقن نسبته كبيرة و دا بيؤدي ساعات لتشوه العضلة
إيه هي الأماكن اللي ندِّي فيها الحقن العضل في السن دا ؟
من سن يوم ل سنتين بندي في الجهة الأمامية العلوية الخارجية من الفخذ زي ما موضح في الصورة
من سن سنتين ل ٣سنوات ممكن ندي زي قبل السَّنتين زائد أعلى الذراع من الخارج زي ما موضح في الصورة
سؤال تاني :إشمعنى المكانين دول بالذات؟
ممنوع منعاً باتاً إعطاء حقنة في عضلة الالية للأطفال أقل من ٣سنوات
لإن العضلات في المكانين دول بيكونوا أكثر سماكة في السن من يوم ل ٣سنوات .زائد إنهم لا يمر فيهم أوردة او أعصاب رئيسية ممكن تتجرح وقت الحقنة .
دُمْتُم سالمييين
#فور_نونو
dr/marwa
