طاجن العكاوي بالبصل من الاكلات المصرية الجميلة وهو من اطباقى المفضلة هنقدمه بدون وضع اى سمن او زيت عليه عشان يكون خفيف والخطوات بالصور
طريقة عمل طاجن العكاوي بالبصل بالصور
المقادير:
حوالى كيلو ونصف عكاوى بقرى قليلة الدهون مسلوقة 50 %
كيلو بصل صغير منظف او بصل كبير مقطع على اربع اجزاء
فلفل اخضر مقطع حلقات بارد او حار حسب الرغبة
3 طماطم مقطعة
ملح وفلفل اسود
2 كوب مرقة اللحم
رشة جوزة الطيب
ملعقة صغيرة قرفة ناعمة
ملعقة بهارات اللحم
2 ورق غار او ورقة لورا
4 حبوب حبهان صحيحة
3 حبات بطاطس مقطعة قطع كبيرة
الطريقة:
نحضر طاجن و نحط فيه قليل من سمنه بلدى و نوزعها
تنظف العكاوى من الدهون التى بها بتقطيع اكبر كم من الدهون بالسكين ان وجد ثم تسلق نص سلقه كده مش مستويه يعنى و بصل و كترى على اد ما تقدرى لان هو اللى بيحلى الطاجن و بيدوب اصلا
و بطاطس مكعبات
و فلفل
و طماطم
و طبعا ملح و فلفل اسمر
بعد سلقها ترص فى صينية كبيرة او طاجن فخار كبير وتوضع عليها كل المكونات و هنا انا فرمت بصلتين فى الكبه و حطتهم معاهم
ثم تسقى بالشوربة او المرقة الى ان تغطى المرقة وجهها
تغلف بورق الفويل مع عمل فتحة بالمنتصف او تغطى بغطاء معدنى
توضع فى فرن مسخن مسبقا على درجة حرارة عالية لمدة 10 دقائق ثم تهدىء النار وتترك لمدة ساعة على نار هادئة او اكثر حسب السوا وقبل خروجها من الفرن يكشف الغطاء وتوضع تحت الشواية لاخذ لونا جميل
والف هنا تقدم مع الارز الابيض او العيش البلدى
