الجلي كل الأطفال والكبار بيحبوها ولكنها مضرة وانه ماينفعش نخلى الاولاد الصغيرين ياكلوها بس مابنقدرش نبطل ناكلها، وعلشان تأكليها انتى و اولادك وانتى متطمنه و كمان يستفيدوا منها هنقدملك في هذا المقال طريقة عمل حلوى الجلي بالصور خطوة بخطوة زي الجاهزة بالظبط .
طريقة عمل حلوى الجلي بالصور
المقادير :
- نصف كوباية عصير برتقال
- معلقة اكل من بودرة vitamin C ” هتلاقيه فى الصيدلية”
- معلقة من الفانيليا
- معلقتين أكل من عسل النحل
- 5 معالق أكل من الجيلاتين
- قالب تلج سيليكون أحجام صغيرة
- وكمان هتحتاجى مغرفة و حلة صغيرة عميقة
الطريقة :
الخطوة الاولى :
اعصرى برتقالة او مقدار نص كوباية من عصير البرتقال الفريش فى حلة عميقة على النار.
الخطوة الثانية :
ضيفى بودرة فيتامين C و معلقة الفانيليا و معلقتين العسل الابيض و الجيلاتين لعصير البرتقال.
الخطوة الثالثة :
قلبى كويس باستخدام المغرفة وسيبي الخليط كله على نار هادية لحد ما يبدأ يغلى ببطء.
الخطوة الرابعة :
بعد ما الخليط كله يغلى ، ارفعيه من على النار و سيبيه دقيقة يهدأ و بعد كده باستخدام معلقة ابدأى صبيه فى قالب السيليكون.
الخطوة الخامسة :
سيبيه يبرد لحد ما يوصل لدرجة حرارة الغرفة و بعد كده حطيه فى الفريزر حوالى 15 دقيقة او لحد ما يبقى قوامه زى الجيلى.
يقدم الجلي اللذيذ للأطفال.
