موسم العنب الاحمر هيهل هنقدملك طريقة عمل مربى العنب الاحمر بالصور بس العنب الاحمر البناتى اللى بدون بذر جديد وان شاء الله يعجبكم واولادكم يستفيدوا من فوائد العنب العظيمة.
طريقة عمل مربى العنب الاحمر
المقادير
2 كيلو عنب احمر بدون بذر
كيلو الا ربع سكر
نصف ملعقة صغيرة ملح ليمون او عصير ليمونة
ملعقة كبيرة جيلاتين بودر مذوبة فى ربع كوب ماء ساخن
الطريقة
يغسل العنب جيدا ويفرفت او يزال من العناقيد
يوضع العنب فى اناء كبير اكبر منه لان العنب معظم مكوناته ماء فهينزل منه سوائل ونضع فوقه السكر واول ما يبدأ بالغليان نهدأ النار جدا ونضيف ملح الليمون او عصير الليمون ولازم الاناء او الحلة تكون بدون غطاء عشان لا يفور ويبهدل البوتجاز
نقلبه من وقت لاخر حتى لا يحترق القاع
عند الدخول فى السوا نذوب ملعقة الجيلاتين فى ربع كوب ماء ساخن جيدا ونضيفه على المربى ونتركه حتى ينضج هيدى للمربى لمعة جميلة وقوام حلو بس لازم نضعه قبل ان نطفىء النار بدقائق يعنى اما المربى تستوى ونتركه على النار من 5 الى 10 دقائق ثم نطفىء النار
طريقة عمل مربى العنب الاحمر بالصور
وده شكلها لما استوت فى ناس بتخلط العنب بالكبة حتى لا يكون قطع او بالخفاقة بس النار هتذوب العنب اساسا
شايفين الجيلاتين عملها حلوة ازاى
وتقدم بالهنا
وممكن نفس الطريقة مع العنب الاصفر او الاخضر
وجه العنب الاسود بنفس الطريقة بيبقى روعة
