طريقة عمل ناجتس الفراخ في المنزل بالصور

طريقة عمل ناجتس الفراخ هنقدم لكم طريقة عمل احلى وأروع فراخ ناجتس في المنزل بخطوات سهلة وبسيطة  من أجل صحة اولادك واسرتك

طريقة عمل ناجتس الفراخ بالصور

المقادير :

كيلو من الوراك المخلية اللي بنعمل بيها الشيش طاووق و لو عوزة صدور فراخ برحتك

معلقة صغيرة بصل بودر

معلقة صغيرة ثوم بودر

بطاطس حجم متوسط مسلوقة و مهروسة و عليها معلقة صغيرة من اللبن.

معلقتين كبار من البقسماط الناعم

ملح وفلفل

الطريقة :

قطعي الفراخ قطع صغيرة لو كانت متقطعة  قطع كبيرة

حطى كل المقادير المذكورة سابقاً دى مع الفراخ فى الكبة أو المفرمة ، و معندكيش ولا كبة ولا مفرمة يبقى هاتى صدور الفراخ و قطعيها مكعبات و تبليها بالملح و الفلفل و الثوم و البصل البودر .مشى حالك يعنى المهم اعملى الأكل النضيف فى البيت عشان الاولاد

لو عندك قطاعات فى البيت حطى جواها عجينة الفراخ الناجتس عشان تعملى بيها أشكال. لو معندكيش مش مهم كوريهم أو اعمليهم صوابع

حطيهم فى التلاجة أو الفريزر 10 دقايق تتماسك بس شوية.

هاتى بقى قسماط ناعم و دقيق و ملح و فلفل و بصل بودر و ثوم بودر و معلقة صغيرة اوى من البابريكا و معلقة صغيرة اوى من الزنجبيل.  لو معندكيش كل الهرى الفات دة ولا يهمك حطى ملح و فلفل و خلاص على الدقيق و البقسماط

بعد ما تقلبيها كلهم فى بعض حطيهم فى كيس بلاستك. عشان يكون أسهل و متبهدليش الدنيا حوليكى

اضربى بيضتين أو تلاتة مع ملح و فلفل

هاتى بقى الناجتس من التلاجة عشان نديها دش

حطيها الأول فى الدقيق و البقسماط الأول

احدفيها فى البيض

طلعيها من البيض و حطيها تانى فى الدقيق بالقسماط و بس

خلصناهم رجعيهم التلاجة تانى

سبتها 10 دقايق فى التلاجة و طلعتها بقى عشان يتحمروا

اتحمرت على الوشيين و بقى لونها ذهبى

وبالهنا والشفا