سوف نروي لكم اليوم في هذا المقال الولد مرجان قصة لتعليم الاطفال النظافة وعدم الاهمال في نظافتهم لان النظافة من الايمان
الولد مرجان قصة لتعليم الاطفال النظافة
كان يا مكان يا سادة يا كرام ما يحلى الكلام الا بذكر النبي عليه الصلاة والسلام كان في ولد صغير اسمه مرجان
كان مرجان دايما بعد ما ياكل يمسح ايده في هدومه بالرغم انه كان ولد مؤدب وبيسمع الكلام وشاطر كمان
لكن كان بيعمل حاجة وحشة اوي والحاجه دي بتخلي مامته وباباه واخواته وصحابه يزعلوا منه اووي
عارفين ايه الحاجة الوحشة اللي كان بيعملها مرجان انه لما كان بياكل اي حاجه بيمسح ايده بعد ما ياكل في هدومه
معقولة يا خبر ياكل الشيكولاته يمسح فى هدومه وياكل الساندويتش يمسح فى هدومه واي حاجه ياكلها يمسح في هدومه
يع بجد واخيييه
وفي يوم راح مرجان الحضانة بتاعته وهو قاعد مع اصحابه جه وقت الفسحة راح يجري على اصحابه علشان يلعبوا معه وقال لصاحبه يلا يا مروان علشاان نلعب مع بعض
بص له مروان وقاله : لالالالا انت مش شايف هدومك عامله ازاى عشان بتمسح فيها ايديك
انا بلعب بس مع الاولاد النضيفه واللى هدومهم نظيفه ومشى وسابه زعل مرجان اوووي
راح لوحد صاحبه تاني اسمه يوسف وقاله تعالى يا يوسف العب معايا
بص له يوسف وقاله: لالالالا انا العب مع ولد هدومه مش نضيفه وبيمسح ايده فى هدومه لالالا
ومشى وسابه قعد مرجان حزين وزعلان وفضل يقول محدش عايز يلعب معايا عشان انا مش نضيف وهدومى مش نضيفه وفضل يعيط كتير
لحد ما الميس جت وشافته وقالت له بتعيط ليه يامرجان
قال لها محدش عايز يلعب معايا خالص من اصحابى علشان انا بمسح ايدى فى هدومى بعد ما باكل
وهدومى بقت مش نضيفه اهئ اهئ اهئ
الميس قالت له: انت غلطان يامرجان واللى بتعمله ده غلط وهما طبعا عندهم حق انهم ميلعبوش معاك
قالرلها: طيب ياميس لما ايدى تتوسخ اعمل ايه؟
الميس قالتىله: لما ايدك تبقى مش نضيفه تعمل حاجتين
يااما تغسلها بالماء والصابون او لو مش عارف امسحها بالمنديل لكن عمرك ما تمسحها فى هدومك تانى
الولد مرجان قصة لتعليم الاطفال النظافة
مرجان قال للميس : طيب ياميس اعمل ايه دلوقتى عشان ابقى نضيف ويرجعوا يلعبوا معايا تانى
قالت له اول حاجه لازم تبطل تمسح ايدك اللى مش نضيفه فى هدومك بعد ما تاكل ولما تروح تلبس هدوم نظيفه وتغسل ايديك كويس ومتعملش كده تاني
واصحابك لما هيلاقوك بقيت نضيف وبطلت توسخ هدومك هما من نفسهم هيجوا لحد عندك عشان يلعبوا معاك
قال لها حاضر طبعا انا هعمل كده
انتهى اليوم الدراسي وروح مرجان البيت وخبط على الباب وماما فتحت له لقته زعلان وحزين ومعيط
قالت له مالك يا مرجان زعلان ليه كده
قال لها : ياماما اصحابي مرضوش يلعبوا معايا عشان انا مش نضيف وهدومى مش نضيفه
بصت ماما على هدومه وقالت له انا قلتلك كتير ان كده غلط انك تمسح ايدك فى هدومك بعد الاكل شفت ازاى اصحابك بعدوا عنك قالها ياماما انا عايز ابقى نضيف عشان العب معاهم تانى ومش هعمل كده تاني واهغسل ايدي بعد ما اكل ومش همسح في هدومي تاني
مامته قالتله لو بقيت نضيف اصحابك هيحبوك وهيقولو عليك ولد شاطر وجميل ومحدش هيقول عليك انك وحش ومش نظيف
قال لها ياماما انا عايز بكره البس هدوم نضيفه
الولد مرجان قصة لتعليم الاطفال النظافة
انا لما ايدى تبقى مش نضيفه ياماما يأما ا غسلها بالماء والصابون او لو مش عارف امسحها بالمنديل
لكن عمرى ياماما ما همسحها فى هدومى تانى
ماما اتبسطت اوى من مرجان وقالتله كده انت بقيت ولد نضيف وجميل وريحتك حلوة كمان
وفعلا راح مرجان المدرسه تانى يوم بهدومه النضيفه جدا اللى هو محافظ عليها
واول ما داخل المدرسه
لقى مروان ويوسف بيندهوا عليه مرجان مرجان ايه النضافه دى يامان الله ريحتك حلو ة اوى وشكلك حلو يلا بينا نلعب زى زمان والميس كمان فرحت لما لقيت مرجان بقا نضيف ومن يومها وهو بطل يمسح ايده فى هدومه
الهدف من القصة
تعليم الاطفال النظافة وان النظافة اهم من اي شيء
