كتير من الستات سايبين بلادهم وعايشين مع اجوزاهم في بلاد تانيه عشان يشتغلوا ويلاقوا اكل عيشهم ويفروا عيشه هنيه ليهم ولاولادهم . لكن بعد فتره بتحس بزهق وانها اشتاقت لبلدها تانى وعايزة ترجع . وتبدأ تفكر في افكار مضطره اقول انها بتخرب بيتها بنفسها . وهذه نصائح وافكار في الغربة لكل واحده اتخنقت وعايزة ترجع .
نصائح وافكار في الغربة لكل واحدة تعبت من الغربة وعايزة ترجع
لما تكون واحده متجوزة الحمد لله وربنا كارمها بعيال وزوج صالح وربنا اكرمه بشغل في بلد تانيه واضطروا يسافروا معاه .
تجيلها وساوس وافكار كده غريبه هناقش بعض نصائح وافكار في الغربة وندعوكى مره تانيه تفكرى في القرار قد اتخاذه
حتى لا تندمى .
المثال الاول :
واحده تعبت من الغربه عشان قاعده لوحدها وسايبه باباها ومامتها وولاد عمتها وولاد خالتها والشله وتقولك اصل
انا انسانه اجتماعيه معرفش اعيش من غير اصحاب وشله.
طب اتجوزتى ليه ماانتى كنتى تعيشى مع اهلك وبابا وماما واصحابك والشله احسن بدل ما انتى مش
قد تحمل مسئوليه بيت وعيال وزوج ولسه بتفكرى وعايزة اولوياتك تكون اللمه والشله.
المثال الثانى :
واحده تعبت من الغربه عشان مش عارفه ايه نوع المدارس التى تعلمه لولادها تدخلهم مدارس حكومى ولا انترنشونال ولا يدرسوا المناهج في البيت ويمتحنوا في السفاره .
فعايزة تنزل بلدها تعلم عيالها في المدراس المعتاده .
طب لحظه من فضلك فكرتى هتقعدى فين ؟
في شقتك لوحدك وتكونى انتى الراجل والست في البيت من غير اى حد يحميكوا.
ولا عند اهل جوزك اللى انتى مش طيقاهم ويتحكموا فيكى في الطالعه والنازله.
ولا عند بيت اهلك زى المطلقين .
ولا الاحسن يتعلموا في بلد في الغربه بس مطمنين ان ليكى زوج سند وضهر ليكى ويساعدك في مسئوليه العيال ويشبعوا من ابوهم .
نصائح وافكار في الغربة لكل واحدة تعبت من الغربة وعايزة ترجع
المثال الثالث:
واحده تانيه تقول لا هنا العيشه غاليه وبنصرف كتير ومش عارفين نحوش قرش للزمن فعايزة تنزل هى والعيال عشان جوزها يعرف يحوش قرش .
طب لحظه تانيه معلش .
هو انتى بتحوشوا لمين مش ليكوا ولعيالكوا عشان تتهنوا ولا هتفضلوا كل همكم تحوشوا على حساب نفسيتكم التعبانه لما هتكونوا كل واحد في بلد والعيال مش بيشوفوا ابوهم غير مره كل سنه . وده هيأثر على نفسيتك وصحتك . وققت ما يكون معاكوا فلوس قد كده . هتكون راحت الصحه والجمال والشكل من صحن الحياه ومش هتقدروا ترجعوها .
فعلا القناعه كنز لا يفنى . حلو نعمل قرش كويس بس مش لازم يكون ده هدفنا ونطحن الاسره اللى قررنا نكونها .
المثال الرابع:
واحده بقى عامله سيده اعمال عايزة تنزل بلدها عشان تثبت نفسها وتشتغل او تفتح مشروع وتبقى هى الرئيسه فيه
طل لحظه ولحظتين معلش .
نازله وهتسيبى جوزك في بلد تانيه وطبعا هتسيبى عيالك عند حماتك او والدتك لانك مش فاضيه اصلك دلوقتى سيده اعمال والمشاريع مستنياكى . وتهملى في تربيه العيال ويطلعوا فسدانين وجوزك سيباه شايل الطين في الغربه وانتى قاعده تتأمرى على خلق الله وحتى ولادك مش سائله فيهم .
– ركزى كده ومتتهوريش وفكرى في جوزك وعيالك ان عيالك اولى بأبوهم وبحياه مستقره مش هتنفعهم الفلوس بحاجه لما يشوفوا اصحابهم ماشيين مع باباهم ومامتهم وهما محرومين من ده وبيشوفوا ابوهم زى الضيوف مره كل سنه .
استحملى الغربه شويه لحد ما ظروفكوا تتحسن وتعدى ايام الغربه على خير .
واشكرى ربنا على النعم اللى انتى فيها غيرك مش لاقيها من زوج وعيال ورزق واسع .
