خطوات عمل الكشري المصري على أصوله زي المحلات بالصور ، ومش هتشتريه من محلات الكشرى تانى وكمان هتضمنى نظافته والطعم روعة .
خطوات عمل الكشري المصري بالصور
المقادير:
- ربع كيلو عدس بجبة
- 4 بصلات كبار
- 2 ملعقة كبيرة دقيق
- زيت لتحمير البصل
2 كوب ارز - 2 كوب وربع ماء
- نصف كوب مكرونة شعرية
- ملح وملعقتين زيت للارز بالشعرية
- نصف كيلو مكرونة اسباجتى عليها عقل صغيرة
- كوب حمص الشام
مقادير صلصة الكشرى:
- 2 كوب كبير عصير طماطم مخفوق بالخلاط
- ملعقة كبيرة معجون طماطم
- 2 ملعقة ثوم مفروم
- ملح وفلفل اسود وكمون وشطة
- ملعقتين كبار خل
- ملعقتين زيت
مقادير دقة الثوم
- 2 ملعقة كبيرة ثوم مفروم ناعم
- ملعقة صغيرة بودرة ثوم
- ربع كوب خل
- ملعقة زيت
- ملح وشطة وكمون وكسبرة ناشفة
- ربع كوب ماء
الطريقة:
نغسل العدس ابو جبة كويس ونضعه باناء او حلة ونغطيه بالماء ونسلقه على نار متوسطة ثم نصفيه من الماء ويترك جانبا
فى حلة او اناء نضع الزيت ونسخنه ونحمر فيه المكرونة الشعرية لحد ما يكون لونها ذهبى نضع عليها الارز المغسول
بعد تصفيته من الماء ونضع ماء معيار الارز والملح ونقلبه ونسيبه يتشرب وبعد ما يتشرب نهدى النار
لحد ما يستوى ولما يستوى نطفى النار ونرفع الغطا نقلبه ونتركه يتهوى عشان البخار لا يعجنه
خطوات عمل الكشري المصرينقطع البصل جوانح ونتبله فى الدقيق ورشة ملح ونسيبه 5 دقائق ونسخن زيت ونحمر فيه البصل بس فى مقلاة كبيرة
عشان يبقى مقرمش ونتركه فى طبق لحين التقديم
نسلق المكرونة العقل الصغيرة والاسباجتى
طريقة صلصة الكشرى:
على النار نضع الزيت والثوم ونحمره
لما يبقى لونه ذهبى نضع فوقه الخل ونقلب ثوانى
ثم نصب عليه عصير الطماطم ومعجون الطماطم والملح والفلفل والكمون والشطة واول ما تغلى نهدى النار ونسيبها
تتسبك وتنضج
وده شكلها بعد النضج ممكن نخفها بشوية ماء ونسيبها تغلى غلوة لو حبيتى
خطوات عمل الكشرى المصري على أصوله زي المحلات بالصور:
ننقع الحمص قبلها بليلة والصبح نسلقه مش هياخد وقت
طريقة دقة الثوم:
فى بولة كبيرة نضع الثوم والملح والشطة والكمون والكسبرة ونضيف عليهم الزيت والخل ونقلب ونضيف ربع كوب ماء بالتدريج مع التقليب حتى نظبط الطعم المطلوب
وده شكلها بعد ما خلطناها
خطوات عمل الكشري المصري على أصوله زي المحلات بالصور
- لو عاوزة صوص حار اللى هو صلصة حامية بناخد من صلصة الكشرى ملعقتين وعليهم ملعقة زيت و4 ملاعق شطة حارة ونزودهم ماء ونخلطهم ونضعهم بزجاجة
- بعد ما خلصنا طهى المكونات نبدأ نحضر ونجمع طبق الكشرى هنخلط الارز بالشعرية مع العدس بجبه
- ونضع مغرفة فى الطبق وفوقه ملعقة صلصة ثم المكرونة ثم الصلصة ثم الحمص واخر حاجة على الوجه البصل
- او كما يسميه صاحب محل الكشرى الورد لان البصل شكل الورد ونضع دقة التوم والخل او نضعها فى طبق جانبى وصلصة فى طبق جانبى
- وتكرر نفس الطريقة مع باقى الاطباق هذه المقادير تكفى حوالى من 4 الى 5 اطباق ولا تنسوا وضع باقى البصل فى طبق جانبى لمن يريد الزيادة
والف هنا
