طريقة عمل الكبسة الخليجي بطريقتين الحمراء والصفراء

معظم الناس بتحب الكبسة الخليجي  لكن متعرفش تعملها لانها بتحسها صعبه وفى منهم اللى بيحب الارز اصفر ومنهم اللى بيحب الارز  احمر النهاردة هقدم لكم طريقة عمل الكبسة الخليجي بطريقتين الحمراء والصفراء

طريقة عمل الكبسة الخليجي بطريقتين

الكبسة الصفراء

المقادير:

• كيلو أرز بسمتي
• لتر ونصف شوربة دجاج
• بهارات الكبسة تطلب من العطار حوالي نصف كوب
• ( حبهان قرنفل عيدان قرفة ورق لورا ليمونة جافة )
• 3 ملاعق كركم ناعم
• 2 بصلة مفرومة
• نصف كوب جزر مكعبات صغيرة
• فرختين كل فرخة مقطعة 4 اجزاء
• او كيلو لحم ضاني قطع مسلوق مسبقا  70 %
• نصف كوب زيت ذرة  وملعقة زبدة

للزينة:

• لوز محمص
• زبيب

الطريقة:

1. نضيف الزيت والزبدة  الى الاناء حتى  يسخن قليلا ثم نضيف البصل والجزر ونقلب لمدة دقيقة ثم نضيف الفراخ او اللحم ونشوحهم على كل الجوانب مع اضافة بهارات الكبسة عليهم ورشة الفلفل الاسود
2. حتى ياخذوا لون ثم نضيف الارز الذى تم غسله والكركم ونقلب حتى يسخن الارز نضيف المرقة الساخنة على الارز ومكعبات المرقة والملح حسب الرغبة وملعقة كركم تانى حتى تلون الماء
3. فى إناء كبير ملح وفلفل ومكعبين مرقة دجاج  ونقلب الخليط حتى يتشرب الارز الماء ثم يغطى الاناء ويترك على نار هادئة حتى ينضج

التقديم

• نضع الكبسة فى طبق كبير و ترش عليها اللوز والزبيب وتقدم ساخنة مع سلطة الزبادى والسلطة الخضراء

الكبسة الحمراء

المقادير:

• كيلو ارز بسمتى  منقوع فى الماء لمدة نصف ساعة
• بهارات الكبسة
• نصف كوب معجون طماطم
• 2كوب عصير طماطم    3 اكواب شوربة او ماء مغلى
• ملعقة بابريكا حلوة
• ملح وفلفل اسود و2 مكعب مرقة
• فرختين مقطعين  او كيلو لحم ضاني مكعبات سيق تسويته 70 %
• 2بصلة مفرومة
• نصف كوب جزر مكعبات
• نصف كوب زيت وملعقة زبدة او سمن
• نصف كوب فلفل الوان
• للتزين مكسرات وزبيب حسب الرغبة

الطريقة:

1. فى إناء كبير تشوح البصل والجزر فى الزيت والزبدة ثم نضيف الفراخ  أو اللحمة وبهارات الكبسة  ورشة فلفل اسود ونشوح حتى تاخذ لون ذهبى من جميع الجوانب ثم نضيف الفلفل الالوان ثم نضيف معجون الطماطم ونقلب لدقيقة ثم نضيف عصير الطماطم
2. والشوربة والملح حسب الرغبة والفلفل ومكعبات المرق وملعقة البابريكا حتى يغلى لمدة 10 دقائق ثم نضيف الارز بعد تصفيته من الماء ونقلب اذا كان محتاج الى ماء زيادة نضيف اليهحتى يغلى ويتشرب الارز الماء ثم يغطى وتهدأ النار حتى النضج

التقديم

• بعد النضج تقدم الكبسة فى طبق كبير ونزينها بالمكسرات والزبيب وتقدم ساخنة مع السلطات وبالف هنا

ملحوظة

• الارز البسمتى معيار الماء له اكثر من معيار الارز المصرى لانه ياخذ ماء كثير فمثلا كيلو الارز البسمتى يأخذ لتر ونصف ماء
• اختارى الارز الاصفر المتماسك ولا تختار الارز البسمتى الابيض لانه يتكسر ويعجن