طريقة عمل سوفليه البطاطس إفطار أو سحور شهى مع العرقسوس

هنقدم لكِ طريقة عمل سوفليه البطاطس إفطار أو سحور شهى مع العرقسوس بالصور عشان نقلل اللحوم شوية ويبقى يوم بدون لحوم ومتنسيش السلطة الخضراء

طريقة عمل سوفليه البطاطس ومشروب العرقسوس

طريقة عمل سوفليه البطاطس

المقادير:

• 2 حبة بطاطس كبيرة مسلوقة ومهروسة
• ربع كوب حليب
• ملعقة كبيرة زبدة سايحة
• ملح وفلفل اسود

الحشوة:

• 4 ملاغق جبنة موتزريلا مبشورة
• 4 ملاعق ذرة حلوة معلبة ومصفاة
• 2 ملعقة قشطة
• رشة بهارات

للوجه:

• بقسماط وجبنة مبشورة وممكن نضع صفار بيض لو حبيتى مع الجبنة

الطريقة:

1. نضع البطاطس وعليها الملح والزبدة والحليب والفلفل الاسود
2. ونخلط جيدا
3. تدهن قوالب كب كيك او برام صغير او قوالب السوفليه بالزبدة ونضع بداخل كل واحدة ملعقة كبيرة بطاطس ونفردها كويس ثم نضع فى داخل كل واحدة قطعة صغيرة زبدة كما بالصورة
4. نخلط محتويات الحشوة جيدا
5. نضع ملعقة من الحشوة فى كل قالب
6. ثم تغطى بطبقة من البطاطس وتساوى جيدا
7. ثم يرش على الوجه بقسماط وجبنة
8. وتوضع فى فرن متوسط الحرارة حتى تأخذ لونا
9. وتقدم بالف هنا

1. هنا خلطنا الجبنة الموتزريلا بالبيض ورشة فلفل اسود ووضعناها على وجه القوالب ودخلناها الفرن
2. حتى تاخد لون وبالهنا
3. متنسيش تعملى جنبها شوربة كريمة او لسان عصفور وسلطة خضراء

طريقة عمل سوفليه البطاطس إفطار أو سحور شهى مع العرقسوس

العرقسوس

المقادير:

• 1 كوب عرقسوس
• 1/3 معلقة صغيرة كربوناتو
• قليل من الماء

الطريقة:

1- نضع العرقسوس في طبق وعليه الكربوناتو ونضيف الماء بالتدريج بحيث يكون العرقسوس فقط مبلل بالماء بلاش نزود الماء ولازم يكون مندي بالماء ثم يترك في مكان دافئ ساعتين او اكثر ليتخمر.

2-ممكن جدا نخزن باقي الكمية في الفريزر وناخد منه كل يوم وبيبقي نفس الطعم واحلي كمان.

3-ثم نحضر قطعة قماش خفيفة (شاشة) ونضع عليها جزء من العرقسوس ونربطها كويس جدا.

4-ثم نضعها في ماء بارد ونتركها ممنوع نقلبها قبل ربع ساعة

5-وبعد ربع ساعة هنلاحظ ان العرقسوس نضح في الماء وطبعا هناخد المشروب في دورق او زجاجة ويوضع ليبرد في الثلاجة

6-ويقدم في اكواب مشروب رمضاني رائع وخصوصا علي الفطار والسحور بيقلل العطش جدا وطبعا مدر للبول ويغسل الكلي
مفيد جدا في الحر والصيام .بالف هنا