طريقة عمل صينية رز بالبشاميل من الرز البايت بالصور

الرز البايت بيكون مشكلة لما بيكون عندنا عزومة واتبقى كمية منعرفش هنعمل بيها ايه هنقدملك طريقة عمل صينية رز بالبشاميل منها عيلتك هتطلبه منك على طول

طريقة عمل صينية رز بالبشاميل

المقادير:

• لصينية متوسطة تكفى 6 اشخاص
• ارز بايت او مسلوق اى نوع بسمتى او ارز مصرى وممكن ارز بالشعرية

الحشوة:

اختاروا اى نوع

1- حشوة الخضار: خضار مشوح اى نوع مع بصل مفروم وملح وفلفل ( بسلة وجزر وبصل او سبانخ ومشروم او اى نوع تحبوه )

2- حشوة الفراخ: فراخ مسلوقة ومقطعة نسايل او قطع صغيرة بعد خليها من العظم والجلد
فى مقلاة نضيف ملعقة زيت ثم بصلة مفرومة ونقلب ثم نضيف اى نوع خضروات بسلة وجزر مثلا ونقلب 5 دقائق ثم نضيف قطع الدجاج ونشوحها ثم نضيف ربع كوب ماء وملح وفلفل وبهارات ونتركها حتى ينضج الخضروات وتتشرب الماء

3-حشوة السى فود: نشوح فى ملعقة زيت بصلة مفرومة وفصين ثوم مفروم ثم نضيف لهم فلفل الوان قطع ثم نضيف السمك الفيلية القطع او اى نوع سمك قطع ومخلى ونقلب دقيقتين ثم نضيف الجمبرى والملح و عصير ليمونة وكمون وفلفل ونقلب دقيقتين ونطفىء النار

4- حشوة كبدة الدجاج: فى مقلاة نشوح بصلة ونضيف لها فصين ثوم وكبدة الفراخ بعد غسلها بالماء والخل وتقطيعها قطع صغيرة ونضيف لهم عصير نصف ليمونة وفلفل اسود وملعقة صغيرة قرفة ونتركها على النار مع التقليب حتى تنضج تماما

5- حشوة اللحمة المفرومة: بصلتين مفرومين نضعهم بمقلاة وعليهم ربع كيلو لحمة مفرومة بدون زيت ونقلبهم كويس ونضيف لهم الفلفل والبهارات ونتركها حتى تتشرب ماؤها على نار هادئة وعندما تنضج نضيف الملح ونقلبها ونتركها تهدأ وممكن نضيف لها فلفل اخضر او الوان

6- أي بواقي: لحوم مشوية او بواقى فراخ هنقطعها ونخليها من العظم ونشوحها مع الخضار والبصل

البشاميل:

• 2 كوب حليب سائل
• كوب ونصف ماء
• نصف كوب دقيق
• ملح وفلفل اسود
• مكعب مرقة

طريقة عمل صينية رز بالبشاميل من الرز البايت بالصور

1. فى اناء يتم خلط الدقيق والحليب والماء على البارد جيدا ثم يرفع على النار مع التقليب المستمر حتى يتقل القوام

2. ثم نضيف الملح والفلفل الاسود ومكعب المرقة ونقلب ثوانى حتى تختلط وترفع من على النار

3. فى اناء نأخذ ثلث كمية البشاميل ونخلطها جيدا بالارز

4. تدهن صينية بقليل من الزيت ونفرد به الارز ثم نفرد على وجه الارز الحشوة المفضلة

5. دى حشوة السبانخ والفراخ مع البصل

6. ودى حشوة فراخ قطع مع البصل وقطع الطماطم زى الشاورما

7. ودى حشوة كبدة الفراخ مع الفلفل والبصل بعد اضافة الحشوة نضيف بقية كمية البشاميل على الوجه وممكن نخلط نصف كمية الحشوة مع الارز والنصف الاخر يكون على وجه الارز وده راجع لك زى ما تفضلى

8. تساوى كمية البشاميل جيدا على الوجه وممكن نضيف جبنة شيدر او رومى مبشورة

9. وتخبز فى فرن متوسط الحرارة حتى تأخذ لونا جميلا

10. ودى بالخضروات

11. شايفين احلى من المكرونة البشاميل ودى بقا كانت كمية الارز كبيرة عملت طبقتين من الارز والحشوة وممكن الحشوة تكون بطاطس محمرة وباذنجان او مشروم اى حاجة الارز بيتقبلها.

والف هنا