طريقة عمل الجلاش بالسبانخ بالخطوات مصورة

هنقدملك طريقة عمل الجلاش بالسبانخ بالخطوات مصورة عشان لو اولادك مش بيحبوا السبانخ يبقى دى طريقة سهلة والطعم روعة

طريقة عمل الجلاش بالسبانخ بالخطوات مصورة

المقادير:

• 2 كوب سبانخ مقطع ومغسول جيدا
• نصف كيلو جلاش
• 3 ملاعق زيت على زبدة او سمنة سايحة
• بصلة كبيرة قطع
• حبة فلفل رومى قطع
• كوب جبنة شيدر او موتزريلا مبشورة او حتى قريش
• ملح وفلفل اسود

لخليط التسوية:

• كوب حليب سائل
• 2 بيضة
• ملح وفلفل اسود
• 2 ملعقة كبيرة زبدة او سمنة + 2 ملعقة زيت

الطريقة:

فى مقلاة تشوح البصلة بملعقة زيت لمدة دقيقتين

ثم نضيف السبانخ والفلفل الرومى والملح والفلفل الاسود ونهدىء النار حتى تتشرب كل السوائل التى نزلت من السبانخ

تدهن صينية متوسطة بالزيت ونضع نصف كمية الجلاش مع الحرص على دهن الطبقات بالزيت والسمنة ثم نضيف الحشوة وفوقها الجبنة المبشورة

ثم تغطى الحشوة بباقى كمية الجلاش مع دهن طبقات الجلاش بالزيت والسمنة ثم تقطع مربعات متساوية ثم نخفق البيض والحليب جيدا مع اضافة رشة فلفل اسود وملح ونصبها فوق الجلاش

يسخن الفرن على درجة حرارة هادئة جدا وتدخل الصينية الفرن حتى تتشرب السائل وتأخذ لونا جميلا على نار هادئة جدا

وده شكلها بعد ما طلعت من الفرن نقطعها بالصينية تانى بعد ما تبرد، وتقدم دافئة او لما تهدأ، والف هنا