اسهل واسرع تيراميسو بالنسكافيه بالخطوات مصورة

هنقدملك اسهل واسرع تيراميسو بالنسكافيه بالتفصيل ومصورة عشان تعملى احلى حلويات لعائلتك من البسكويت والنسكافيه

تيراميسو بالنسكافيه بالخطوات مصورة

المقادير:

• علبة كريمة الخفق ويبنج كريم ويمكن استبدالها بكريمة لباني حوالي ربع كيلو
• علبة بسكويت سادة اصابع اى نوع
• علبة جبنة كريمي اى نوع كيرى او مليكانة او لافاش كيرى بس طبعا متكنش مطبوخة بنكهات لاننا هنستعملها للحلويات
• كوب ماء مغلى مضاف له 3 ملاعق نسكافيه
• شيكولاتة خام الخاصة بالمطبخ مبشورة حوالى ملعقتين للتزيين
• 4 ملاعق كبيرة سكر
• ملعقة نسكافيه للتزيين

الطريقة

بعد ما اذبنا النسكافيه فى الماء المغلى يجب تركه ليبرد تماما فى طبق

نضع كريمة الخفق فى الميكسر او الكبة ونخفقها الى ان تصبح هشة

نضيف لها السكر بالتدريج واحنا بنخفق

نضع الجبنة الكريمى فى طبق

ونخفقها بملعقة حتى تفك

ثم نضيف لها الكريمة المخفوقة ونقلب جيدا

نقسم البسكويت جزءين وممكن نعملها فى بولات صغيرة بدلا من طبق كبير وكل واحد يبقى له الطبق لوحده

نبدأ فى اغماس البسكويت فى النسكافية ولكن يجب ان يكون بارد حتى لا يبوش نغمس بس نشيلها بسرعة قبل ما تبوش

ونرص طبقة فى بولة كبيرة نملىء القاعدة كما بالصورة طبعا ممكن بسكويت دائرى لو عاوزين

ثم نضيف نصف  كمية الكريمة المخفوقة بالجبنة والسكر

و نوزعها لتغطى البسكويت

ثم نضع الطبقة الاخرى من البسكويت بعد اغماسها بالنسكافيه

ونضع كمية الكريمة المتبقية

ونوزعها على البسكويت لتغطيه ونسويها بالملعقة

ثم تزين الوجه بوضع ملعقة نسكافيه فى مصفاه صغيرة ورش خطوط على التيراميسو ثم نضع خطوط من الشيكولاتة المبشورة ثم توضع بالثلاجة مدة لا تقل عن ساعة قبل الاكل

ممكن نعملها فى بولات صغيرة على عدد افراد العائلة

والف هنا

ممكن بعد ما تجمد بالثلاجة نلصق بها اصابع البسكويت من الجانب بس ده هيكون فى صينية سهلة الفتح من الجوانب ونزينها بالشيكولاتة المبشورة ودى هتكون فكرة تانية وممكن نضع على الكريمة شيكولاتة مزوبة واحنا بنخفقها عشان تكون كريمة الشيكولاتة.