هنقدملك بسكويت العيد و خطوات عمل بسكويت البرتقال مقرمش ولذيذ بالخطوات مصورة ، وكمان طريقة تخزينه وكل عام وانتم بخير .
خطوات عمل بسكويت البرتقال
المقادير
- 500 جرام زبده في درجة حرارة الثلاجة
- 200 جم سكر بودرة
- 2 بيضة وصفار بيضة
- 100 مل عصير برتقال
- 1\2 معلقة كبيرة بشر برتقال
- 1 معلقة صغيرة فانيليا
- رشة ملح
- 750 جم دقيق
- 1\2 معلقة كبيرة بيكنج بودر
خطوات عمل بسكويت البرتقال مقرمش ولذيذ بالخطوات مصورة
- نضع الزبد والسكر فى العجان نخففهم لغاية ما يبقوا كريمى.
- نضع الـ 2 بيض والصفار مع بعض ونضربهم بالشوكة مع الفانيليا كويس .
- نضيف البيض سرسوب صغير نصبه على العجينة والعجان شغال .
- نضيف عصير البرتقال .
- نخلط المكونات الجافة مع بعض ونضيفها على الخليط حتى يصير كتله واحده .
نجهز كيس الحلوانى ونركب قمع على شكل مشط عشان شكل البسكوته زى الشكل ده
- نضع ورق شمع على صينية ونشغل الفرن على 180 درجة .
- ندوس بالكيس كويس من فوق ونضغط على القمع كويس ونعمل البسكويت ونترك فراغات بين الواحدة
- والثانية وعلى حسب ضغطك على البسكويت يبقى طخين أو رفيع .
- طبعا ممكن يبقى كبير أو تعمليه صغير للأطفال زى ما تحبى
فى الفرن من 18 – 25 دقيقة يطلع نتركه يبرد شوية .
نضعه على رف التبريد حتى يبرد تماما .
- ويقدم مع شاى طبعا وبالهنا والشفا .
- ممكن تعمليه بالنشادر ويبقى 100 مل لبن بدل العصير و1\2 معلقة كبيرة نشادر
- ممكن بجوز هند تحطى اللبن يغلى ونضع عليه 1\4 جوز هند ونعصر جوز هند من اللبن ثم نضيف اللبن وجوز هند .
- أو بالقرفة يغلى اللبن ونضع 4 أعواد قرفة ونتركه يبرد ثم نشيل القرفة ونضيف اللبن
- بعد ما يبرد نضعه فى وعاء محكم الغلق أو علبة المهم يبقى مقفول كويس
- المقادير دي بكيس الحلوانى لو عاوزة تعمليه بماكينة البسكويت يبقى الدقيق كيلو بدلا من كيلو الا ربع وتسيبيه فى الثلاجة يستريح ساعتين ثم تشتغلى فيه
- وده شكله بالدقيق
وبالهنا
