هنقدملك انهاردة طريقة عمل ارز باللبن بتكاته وحركاته وهيطلع كمان أحلى من بتاع المحلات .
طريقة عمل ارز باللبن زي المحلات
المقادير:
- نصف كوب أرز
- كيلو لبن حليب
- 8 ملاعق سكر حسب المذاق
- نصف ملعقة صغيرة فانيليا
- قشده ( اختياري او ممكن وش اللبن واقولي تعمليه زي الاقشطه)
- 2 ملاعق كريمة بودرة
- مكسرات ( اختياري)
الطريقة:
أولاً القشطه:
يتم غلي اللبن اول مايغلي تغطيه بالغطاء مباشره وبعد مايبرد يوضع بالثلاجه (البراد ) ولايرفع الغطاء الا بعد يوم كامل حتلاقي الوش تقيل وكتير انت كدا عملتي قشطه زي الفل، نغسل الارز بماء ساخن حتي تصبح المياه بيضاء وصاقيه والارز ظاهر فيها
الطريقة:
اول ماللبن يسخن نضع الرز ونصف كمية السكر وكل شويه اقلب لحد ما اللبن غلى كويس والرز جواه طبعا وبعدين اطفي النار ونسيبهم ساعتين
وبعد الساعتين اشغل النار عليه تاني واسيبه لحد ماالارز يستوى واذا احتاج لبن ازود كوب لبن كبير تانى واضيف القشطه (وش اللبن ) والكريمه البودرة وباقي كمية السكر حسب المذاق المطلوب ونسيبهم يغلي شوية واقلب كويس
بعد كده اجيب معلقتين او تلاته كبار نشا مدوبين فى شوية ميه ع البارد واضيفه على الأرز ونقلب لحد مايوصل للقوام المطلوب
نضع معلقه فانيليا ويقلب كويس ويغلي غليتين ونطفي النار ويصب الارز باللبن في الكاسات ويزين بالمكسرات والفاكهه حسب الرغبه والموجود
