كلنا بيحب تورتة الفاكهة وبنشتريها من الحلوانى غالية جدا لاعياد الميلاد ، طريقة عمل تورتة الفواكه هنقدمهالك و اعمليها بالبيت زى الحلوانى بالضبط بتكاتها وحركاتها ووفرى فلوسك واسعدى عيلتك .
طريقة عمل تورتة الفواكه بالصور
المقادير
- 2 كوب دقيق نشيل منهم ملعقتين دقيق ونستبدلهم بملعقتين نشا
- ملعقة كبيرة بيكينج بودر
- كوب ونصف سكر بودر
- نصف كوب ماء
- 8 بيضات بدرجة حرارة الغرفة
- معلقة كبيرة محسن كيك جل ( متوفر عند العطار وخامات الحلوانى )
- معلقة صغيرة فانيليا
- ربع ملعقة صغيرة ملح
- معلقة كبيرة خل
طريقة عمل تورتة الفواكه زي الحلواني خطوة خطوة بالصور
الطريقة
يتم تسخين الفرن على درجة حرارة 180 قبل عمل الكيك
يتم فصل البياض عن الصفار
تدهن صينية زبدة ونلاشها دقيق كلها نبطنها
لازم البولة تكون نظيفة وجافة نخفق بياض البيض مع رشة ملح والخل ونخفق
او ما يبدأ يتكاثف ويهيش القوام كده نضيف نصف كمية السكر ملعقة ملعقة مع الخفق المستمر
لحد ما يكون القوام كده نتركه جانبا ونبدأ بخفق الصفار
نخفق الصفار مع باقى كمية السكر ومحسن الكيك وعادى المضرب به اثار خفق البياض عادى لكن البياض
لازم المضرب يكون نظيف وجاف نخفق الصفار لحد ما لونه يفتح ونبدأ نضيف الدقيق والبيكينج بودر بالتدريج الى الصفار
بالتبادل مع الماء يعنى نضيف ملعقة دقيق وملعقة ماء مع الخفق حتى نخلط كمية الدقيق والماء كلها
نضيف خليط البياض على ثلاثة مرات نضيف جزء من البياض لخليط الصفار ونخلط بملعقة براحة خالص
من تحت لفوق الموضوع ده عاوز صبر لحد ما نخلص كل كمية البياض
وده شكل خليط الكيكة الاسفنجية
تصب فى الصينية خليط الكيك بحرص ويخبز فى درجة حرارة 180 هتاخد تقريبا 45 دقيقة بس لازم يكون الفرن سليم
وتوزيع الحرارة فيه جيد
يفضل فرن بمروحة بعد ما تنضج نطفى الفرن ونسيبها فيه 5 دقائق حتى لا تهبط وبعدين نطلعها من الفرن
ونتركها بالصينية 10 دقائق وبعد ال10 دقائق نطلعها على شبكة تبرد تماما
بعد ما تبرد تقسم بسكين طويلة 3 اقسام
طريقة عمل تورتة الفواكه زي الحلواني خطوة خطوة بالصور
التزيين
– هنحتاج ربع كيلو كريمة شانتى خام نضربة بربع لتر ماء مثلجة و5 معالق كبار سكر
– صوص شوكولاته او الجناش نسخن على النار 4 ملاعق حليب واول ما يغلى نضيف له 50 جرام شيكولاتة خام مبشورة ونقلب بسرعة عشان تذوب الشيكولاتة و نرفعه من على النار ونضيف له 2 ملعقة كبيرة قشطة ونخلط بسرعة وده هيكون احلى جناش
– 100 جرام اى نوع مكسرات محمصة مفرومة انا استعملت بندق وممكن سودانى او فستق او لوز
طريقة عمل تورتة الفواكه زي الحلواني خطوة خطوة بالصور
– فواكه النوع اللى تحبوه ممكن كمبوت خوخ واناناس وممكن فراولة وكيوى وتفاح
– لتلميع الفواكه استعملت 2 ملعقة جيلاتين نذوبهم فى ربع كوب ماء ساخن
– سيرب او شربات او عصير الكمبوت عشان نسقى به طبقات الكيك ( الشربات كوب سكر على نصف كوب ماء
وملعقة صغيرة عصير ليمون يرفعوا على النار 5 دقائق حتى يثقل القوام ويترك ليبرد )
نضع ورقة او مفرش تورتة فى طبق ونضع فوقه او طبقة للكيك بعد تسوية الطبقات ونسقى او طبقة بالسيرب
او الشربات بفرشاة خفيف
ونضيف عليها كريم شانتيه وممكن نضيف فاكهة ثم نضع ثانى طبقة ونسقيها شربات ونضع فوقها كريم شانتيه
ونساويه ونضع اخر طبقة ولا نضغط على الطبقات حتى لا تهبط التورتة ونسقى اخر طبقة بالسيرب
ثم نغطى التورتة بالكريم شانتيه ونساويه بالسكينة
نضع المكسرات المجروشة فى جوانب التورتة لنكسوها
بكيس الحلوانى نعمل وردات حول التورتة
ثم نضع خط بالمنتصف بالوردات
نرص الكيوى
وبعدها الفراولة
ثم باقى الفواكه ترص حسب الرغبة
نغلى ربع كوب ماء ونذوب فيه 2 ملعقة جيلاتين وهو ساخن بفرشاة نلمع بيه الفواكه عشان لما يبرد يلمع على الفواكه
ثم نصب بحرص الشيكولاتة الجناش فى النصف الاخر وده هيكون شكل التورتة
وبالهنا
والف هنا
