طريقة عمل جاتوه الشوكولاتة السهل والاقتصادي بدون فرن بالصور

هنقدم لك طريقة عمل جاتو الشوكولاتة السهل و الاقتصادي بدون فرن بالصور  بدل ماتدفعى فلوس كتير فى شرائه وفري واعمليه بالبيت

طريقة عمل جاتوه الشوكولاتة بدون فرن

مقادير الحشوة:

باكو كريم شانتيه مضاف له ربع كوب حليب مثلج  ونخفقه جيدا ثم نضيف له 2 ملعقة كاكاو خام او شيكولاتة ذائبة ونخفق حتى نحصل على كريم شانتيه شيكولاته او ممكن نحشيها شوكولاتة نوتيلا

الوجه:

باقى الكريمة ونرش على الوجه ملعقتين كاكاو محلى (ناسكويك ) وشيكولاته فارماسيه اى شيكولاتة خرز او اى زينة تحبيها ممكن شيكولاتة مبشورة

مقادير الكيك:

• كوب دقيق
• 2 بيضة
• باكو بيكنج بودر
• كوب حليب
• رشة ملح
• ملعقة فانيليا
• 2 ملعقة كبيرة سكر
• ملعقة زيت
• 2 ملعقة كبيرة كاكاو خام

الطريقة:

فى الخلاط يتم خلط البيض والفانيليا والزيت والسكر يدويا ثم يضاف لهم البيكنج بودر والدقيق و رشة الملح وممكن نخلطهم يدويا بمضرب السلك زى الصورة بس الافضل فى الخلاط

ثم نخلط الكاكاو بالحليب ونضيفهم للخليط ونخلط تانى لحد ما يمتزجو وده بيكون شكلهم سايل ايوة سايل لاننا هنعمل الجاتوه مثل الكريب

فى مقلاة غير لاصقة ندهن قليل من الزيت ونتركها تسخن  ثم نصب مغرفة من الخليط ونهدى النار متوسطة ولما تبدأ تطلع فقاقيع نقلبها على الوجه التانى لحد ما تستوى

وده شكل اول طبقة اول ما تطلع تغطى بمنشفة نظيفة ونعمل اللى بعدها لحد ما نخلص الطبقات كل طبقة ملفوفة لوحدها لعدم التصاقهم ببعض

هنرصهم فى طبق التقديم وندهن اول واحدة بكريمة الشيكولاتة او النوتيلا ثم نضيف الطبقة اللى بعدها وهكذا حتى نحصل على جاتوه طبقات محشية وممكن نحشى طبقات مربى انتى وراحتك

خلصنا وضع الكريمة بين الطبقات ندهن الجوانب بالكريمة والوجه ثم نرش على الوجه كاكاو ونعمل شكل القلب بالشيكولاتة الفارماسيه وكمان الجوانب نرشها شيكولاتة فارماسيه نغطيها

وده شكلها فى النهاية والوجه حسب رغبتك

ونقطعها والف هنا

وده شكلها لو هتتحشى شوكولاتة نوتيلا.