هنقدملك طريقة عمل حلوى المولد بالصور اللى بيحبها معظمنا وبنشتريها لاولادنا ومنعرفش مصنعة ازاى ولضمان صحتنا وصحة اولادنا هنعمل فى البيت السمسمية و السودانية واى نوع مكسرات تحبوه بسهولة ، طريقة السمسمية هى نفس طريقة باقى المكسرات هنشوف ده بالتفصيل
طريقة عمل حلوى المولد بالصور
السمسمية
مقادير:
- 200 جرام سمسم نظيف
- 100 جرام عسل جلكوز ( موجود عند العطار ومحلات خامات الحلوانى )
- 100 جرام سكر
- ربع كوب لوز مفروم اختيارى
الطريقة:
يتم وضع السكر والعسل الجلكوز على النار هادئة قليلا حتى يذوب السكر مع التقليب برفق حتى يذوب
عندما يبدأ بالغليان يضاف السمسم واللوز ويقلب
يتم التقليب جيدا حتى يمتزج السمسم بالسكر
يرفع من على النار ونكون محضرين ورقتين زبدة ومدهونين زيت نفرد ورقة على الرخامة وندهنها زيت لعدم الالتصاق ونضع عليها خليط السمسم ثم ندهن الورقة الاخرى ونضعها على السمسم لانه ساخن جدا
ونفرد بالفرادة او النشابة من فوق الورقة حتى السمك الذى ترغبوا به ثم يقطع بالسكين قبل ان يبرد
بعد ان يبرد سيجف وسيكون هذا شكله النهائى والف هنا يحفظ فى علبة محكمة الغلق
حلوى السوداني
المقادير:
نفس مقادير السمسمية مع استبدال السمسم ب
- ربع كيلو سوداني مقشر
- ربع كيلو حمص بدون ملح
الطريقة:
بعد ذوبان السكر والجلكوز يضاف السودانى ويقلب بنفس الطريقة ويفرد على ورقة الزبدة ويغطى بورقة اخرى ويفرد بالفرادة ويقطع ويترك ليبرد ويمكن اضافة قطعتين حلوى الكراميل اكلير للسكر ليذوبوا معه هيدو طعم حلو اوى
ممكن نخلط السودانى بالسمسم
ودى الفسدقية بالفسدق نفس المقادير بس هنستبدل السودانى بفسدق حلبى مقشر ومحمص
ودى البندقية بالبندق وطبعا لازم يكون البندق مقشر ويفضل وضع كراميل مع السكر ليذوب وممكن نخليها كلها كراميل ويذوب فى حمام مائى ثم يضاف له البندق ويرفع على النار حتى يتماسك البندق ويتشرب الكراميل
تقدرى تضيفى اى نوع مكسرات تحبوه او حمص والف هنا
