السلام عليكم .جبتلكم معايا طريقة سهلة وحلوة لوصفة الدونتس اللى الكبار قبل الصغيرين بيحبوه لكم طريقة عمل دونتس بالخطوات المصورة .
طريقة عمل دونتس بالخطوات المصورة
المقادير:
- 1/2 كوب ماء دافىء
- خميرة فورية 21 جرام
- 2 وربع كوب لبن مغلى ثم يترك حتى يبرد
- 3/4 كوباية سكر
- 1 و1/2 معلقة صغيرة ملح
- 3 بيضات
- 1/2 كوب سمن نباتى
- 7 اكواب ونص دقيق
- زيت للقلى
مقادير الجليز:
- 1/2 كوب زبدة
- 3 اكواب سكر بودرة
- من 6 ل 9 ملاعق من الحليب المكثف هن لم يتوفر ممكن حليب عادى او مية لكن الحليب المكثف بيفرق فى الطعم
- 2 وربع معلقة صغيرة فانيلا
الطريقة:
هنضع الخميرة على المية الدافية ونقلبها جيدا ونتركها حوالى خمس دقايق حتى تتفاعل
هنغلى اللبن وبعدها نتركه حتى يبرد والسبب القضاء على الخميرة الطبيعية الموجودة فى اللبن حتى لاتبطل مفعول الخميرة.
بعدها هنضرب الخميرة واللبن والسكر والبيض و3 اكواب من الدقيق.
3 دقايق على سرعة بطيئة ودقيقتين على سرعة متوسطة..
نضيف باقى الدقيق بالتقليب وبحذر نقلب بمعلقة خشب او سيلكون حتى يتكون عجين ناعم
هنغطى العجين ونتركه حتى يتضاعف حجمه
بعد ماتخمر هنطلع العجينة ونفردها على سطح مرشوش بالدقيق وبنشابة او رول مرشوش بالدقيق نفرد حوالى نص سم…
ونقطع بقطاعة مرشوشة بدقيق دواير ودائرة فى المنتصف..الكور الصغيرة ممكن تقليها لوحدها الاطفال بيحبوها
هنقطعها بالشكل ده.ونغطيها تانى حوالى نص ساعة حتى تتخمر
اثناء تخمير العجين نعمل الجليز اضربى الزبدة مع السكر والفانيلا وضيفى اللبن
هنا اضافة الحليب المكثف
هنا الجليز بعد بعد خلط المكونات
هنحمر الدونتس بعد مااتخمر نحمره على الجانبين.اول مايطلع نتركه على مناديل حتى يجف من الزيت ويبرد
ودلوقتى وقت الجليز ..هنغطى جانب واحد فقط بالخليط اللى عملناه
لو حابين الجليز يكون بالشكولاتة ..نسيح شكولاتة مع زبدة فى حمام مائى
اتمنى يكون عجبكم ويكون سهل بالهنا والشفا.
