ما رأيكِ أن تجربي معنا اليوم طريقة عمل الكنافة الميني بشكلل الكب كيك، فالكنافة من الحلى العربية السهلة و البسيطة، كلنا بنحب الكنافه لكن بنيجي نقطعها من الصينيه نلاقيها اتفرولت و شكلها اتبهدل لكن اليوم هنقدم طريقه جميله جدا و سهلة و عمليه و شكلها جميل و شيك في التقديم لأسرتك و أطفالك وضيوفك أيضا، طريقة لعمل كب الكنافة بالمكسرات هنستخدم فيها قوالب الكب كيك لعمل الكنافه عشان تطلع كل قطعه منتظمة بشكلها و لا تحتاج لتقطيع .
طريقة عمل كب الكنافة بالمكسرات
المقادير:
- ربع كيلو كنافه
- ربع كوب سمن سايح
- ربع كوب زيت
- 2 ملعقة سكر ناعم
- ملعقة صغيره فانيليا
الشربات:
- 2 كوب سكر مضاف اليه كوب ماء
- و اتركيهم على النار يغلوا 10 دقايق
- و بعد كده اعصرى نص ليمونه و اطفى النار و اتركيه يبرد
الطريقة:
- ضعي الكنافه في كيس داخل الفريزر عده ساعات ثم اخرجيها و فتتيها لقطع صغيره
- في و عاء ضعي الكنافه + السمن + السكر +الزيت + الفانيليا و اخلطي جيدا
- في قالب الكب كيك ادهنيها كويس بالسمنه و رصى في كل قالب الكنافه و اكبسى عليها عشان تاخد اشكال قالب الكب كيك.
- دخليها فرن 180 درجه لمده ربع ساعه
- بعد السواء اخرجيه و هو ساخن و اسقيه بالشربات البارد و رشى من فوق مكسرات و بألف هنا وشفا
- او ممكن تحطى كريم شانتيه مع فواكه طازجة.
