كل عام وانتم بخير هيهل علينا العيد وأغلبنا بيحب يعمل كحك العيد بنفسة في البيت عشان كدة سنقدم لكم اليوم طريقة عمل كحك العيد بالعجمية بكل سهولة ةاستمتعي بمذاق احلي كحك للعيد من عمايل ايديكي.
طريقة عمل كحك العيد بالعجمية بكل سهولة
المقادير للكحك:
- كيلو دقيق
- نصف كيلو سمنة
- من كوب الى كوب ونصف ماء دافىء للعجن حسب نوع الدقيق
- ملعقة خميرة فورية مذوبة فى ملعقة صغيرة سكر وفنجان ماء دافىء
- ملعقة صغيرة بيكنج بودر
- ذرة ملح
- 2 ملعقة ريحة الكحك
- نص كوب سمسم نظيف
الطريقة
ينخل الدقيق فى طبق غويط للعجن ويوضع عليه ذرةالملح ونعمل حفرة فى نص الدقيق ونقدح السمن
ونضع السمسم فى حفرة الدقيق ونضع السمن الساخن عليه حتى يتحمص السمسم
ونقلب الخليط بملعقة خشب او معدن حتى يبرد
ونبسسه جيدا حتى يتخلل السمن فى الدقيق كله ويصبح ملمسه ناعم نضيف الخميرة وماء للعجن
ونعجن جيدا مع إضافة الماء واحدة واحدة ونختبر قطعة صغيرة إذا اصبحت لينة لا نضيف باقى الماء
ونتركها ترتاح لمدة ربع ساعة
وبعد ذلك تشكل وتحشى بالملبن او العجوة او المكسرات او العجمية بالنسبة للملبن والعجوة لابد
من وضع سمن عليه وعجنه حتى يصبح لين وسهل ان يحشى به
طبعا التسوية بتكون على نار متوسطة حوالى 190 درجة
طريقة عمل كحك العيد بالعجمية بكل سهولة
العجمية
المقادير:
- كوب عسل نحل او عسل جلكوز
- 1 ملعقة كبيرة سمن
- 1 ملعقة ماء ورد او ريحة كحك
- 2 ملعقة سمسم
- 2 ملعقة دقيق مكسرات حسب الرغبة
الطريقة:
نسخن السمن ونضيف الدقيق ونقلب الى ان يصفر ثم نضيف السمسم ونقلب الى ان يصفر
ونأخذ المقلاية بعيد عن النار ونضيف العسل واحدة واحدة ونقلب ثم نعيده الى النارمع اضافة ماء الورد والمكسرات
حسب الرغبة حتى نحصل على عجينة متماسكة وطرية
إذا اردت ان تصنعى كحك سادة بدون حشوة تفعلى الاتى
تقطع قطع مناسبه(دوائر متساويه ويضغط عليها حتى تبطط قليلا)
ينقش سطحها برقه (بمنقاش الكعك)
تخبز فى فرن متوسط الحراره حتى تنضج ويصفر لونها
تترك لتبرد ويرش على وجهها السكر البودره
ملاحظات لنجاح الكحك
1-عشان الكعك يكون ناعم لا زم نبسه كويس قوى وماء العجن مايكونش كتير لأن المياة الزائدة هى اللى بتنشفة و فية ناس كتير فاهمة العكس ان كل ما تحطيله ماء يبقى ناعم وطرى و يستغربوا لما يحطوا ماء و يطلع ناشف.
2- ابقى حطى السمسم ابيض ورشية على وش الدقيق فلما تيجى تصبى السمن المقدوح قوى حينزل على السمسم يحمصة.
3- لما تخلصى الكحك وتحطية فى الصاجات علشان يخمر لما تلاقى الكحكة نشفت تعرفى انها خمرت .
4- ماتتقيديش بمقدار الدقيق اللى مكتوب لان نوعه بيختلف من دقيق للتانى يعنى ممكن ماتستعمليش الكمية المكتوبة كلها وممكن تحتاجى تضيفى دقيق تانى
5-بنستخدم لكل كيلو دقيق علية كوب ماء او كوب ونص ماء لحد ماتلاقى العجينة طرية واتلمت .
6- لما تيجى تنقشى الكحك بالمنقاش وانتى بتنقشى ابقى اضغطى على النقش وارفعى ايدك بالنقشة لفوق علشان السكر البودرة يبقى ثابت جوة النقشة
7- بنستخدم ملعقة خميرة فورية لكل 4 كوب دقيق
