كيكة العسل الروسية واسمها ميدوفيك كيك، وهي عبارة عن طبقات بسكوت لذيذ اوي بالعسل وبتتحشي بكريمة الزبدة مع كراميل الحليب المكثف وبتتغلف كلها ببسكوت مطحون مع مكسرات مطحونة، وهيا كيكة بتتعمل من قرن تقريبا لدرجة ان كل عائلة بروسيا بتبتكر فيها بطريقتها وتغير في المقادير الاصلية دايما وهي اكتر الكيكات شهرة بروسيا ومن كتر شهرتها وطعمها الرائع كل شيف ابتكر طريقته بحشو كيك ميدوفيك
فيه شيفات بيحشوها بجبنة كريمي مع زبدة وكراميل، وفيه شيفات بيحشوها كريمة خفق مع زبدة وكراميل ،وفيه شيفات بيحشوها قشطة مززة ( ساور كريم )، مع زبدة وكراميل
لكن الاساس طبعا حبيباتي انها تتحشى بزبدة وكراميل حليب مكثف لكن طبعا حبيباتي بما انه صعب اوي
نحشي 10 طبقاات كيك بزبدة وكراميل لانها هتكون دسمة اوي وصعب نتقبلها فالحل اننا نحتفظ بالاصل برده ونعملها بكريم شانتيه خفيف او كريمة خفق مع زبدة كمية معقولة وكراميل الحليب المكثف البيتي باسهل طريقة ان شاء الله
كيك ميدوفيك كيكة العسل الروسية
مقادير البسكوت الرائع:
3 كوب ونص دقيق منخول
3 بيضات كبيرة – نص كوب زبدة
4 ملاعق كبيرة عسل ابيض
كوب سكر
نص معلقة صغيرة ملح – فانيلا
معلقة صغيرة بكينج صودا ( كربوناتو )
مقادير الكريمة للحشو:
10 ملاعق كبيرة كريم شانتيه
كوب وربع مية متلجة
معلقتين كبار عسل ابيض او سكر للتحلية
نص كوب زبدة طرية
3/4 كوب كراميل الحليب
الحليب المكثف البيتي ( او نشتري علبة حليب مكثف )
3 /4 كوب حليب بودرة
3 /4 كوب سكر
نص كوب مية سخنة مع معلقة كبيرة زبدة
كراميل الحليب المكثف المحلى
3 ملاعق كبيرة سكر – معلقة كبيرة زبدة
كوب حليب مكثف من اللي عملناه فوق
للتغطية:
كوب بسكوت مطحون
نص كوب سوداني محمص مطحون
الطريقة:
نحط بحلة ستنالس مية مغلية تغلي على نار هادية
في بولة نحط البيض والسكر والعسل والزبدة والملح
ونحط البولة على حلة فيها مية مغلية بتغلي على نار هادية
ونقلب كل المكونات بمضرب سلك عالحمام المائي لمدة 5 دقايق بسسس وكلها هتسيح زي كده
ونشيل البولة من عالحمام المائي ونحط معلقة الكربوناتو ونقلب كويس وبعدين كل كمية الدقيق زي كده
ونقلب بالمضرب السلك برده هتبقى ملزقة ان شاء الله
ونكمل تقليب بالمعلقة الخشب لمدة 5 دقايق كده
ونجيب كل الدقيق اللي تحت وبالجوانب عشان تبقى عجينة زي البيتفور بالضبطط ان شاء الله طرية وجميييييلة
ونقسم العجينة عشان تبقى متساوية لعشر اجزاااء ان شاء الله
ونحط العجينة اللي قسمناها لعشر اقسام في صينية مدهون زيت بسيط زي كده
و نبدأ تسوية تورتة الميدوفيك
ونحط الحديدة اللي بتتركب تحت زراير الفرن
عشان تحميها من الحرارة وطبعا حبيباتي الحديدة دي
موجودة في الافرااان القديمة اللي ماينفعش نشغل النار تحت وفوووق الا لما نحطها عشان الحديدة دي بتعمل اماااان
للفرن وبتحميه وهيا بنركبها عشان تكون كفاصل
بين باب الفرن والمفاتيح عشان الحرارة ماتكونش عالية
جوه الفرن ومعلش انا مش عارفة اسمها تحديدا
نجيب صينية مقاس 26 وجنبنا طبق صغنن فيه زيت وندهنها كويس بالزيت بالفرشاة
ونجيب جزء من العجينة اللي قسمناها عشر اجزاءون حطه بالصينية
ونسمي الله ونمسح ايدينا زيت كويس ونبطط العجينة
بايدينا الممسوحة زيت عشان تتفرد في كل الصينية وبتكون رقيق اوي كده
ولو انقطعت منا العجينة زي كده عادي اوي نلم القطع ونلزق العجينة جنب بعضها بحيث مايكونش فيها اي قطع بس تكون رقيقة وكلها طبقة واحدة
بالف هنا
