البوريك بالجبنة مفيش احلى من بوريك بالجبنة على الفطار او اولادك يخدوه معاهم المدرسة او جوزك ياخد منه فى الشغل ويكون من ايديك هنعلمك طريقة عمل بوريك بالجبنة بالخطوات المصورة واولادك وجوزك هينبهروا بيه وهتوفرى تمنه الغالى لانه بيتباع بالواحدة بس معانا هتوفرى كتير
طريقة عمل بوريك بالجبنة بالخطوات المصورة
المقادير:
- 2 ملعقة زبدة ذائبة
- 2 كوب دقيق
- ملعقة صغيرة بيكنج بودر
- ملعقة كبيرة خميرة مذوبة فى فنجان ماء دافىء وملعقة سكر
- 2 بيضة
- رشة ملح
- 2 ملعقة كبيرة حبة البركة
- 3 ملاعق زبادى
الحشوة:
- جبنة شيدر او جبنة رومى مع زيتون
- أو جبنة فيتا او جبنة بيضا
- مضاف لها ملعقة زعتر
- وملعقة زيت
الطريقة:
يضرب البيض بالشوكة ويمكن اضافة ذرة قرفة عليه عشان الريحة
نضيف للدقيق الخميرة والزبدة والملح ونقلب كويس وطبعا احنا ذوبنا الخميرة فى ملعقة سكر وفنجان ماء دافىء
ثم نضيف البيض وحبة البركة ويقلب جيدا
نضيف الزبادى بالتدريج ونقلب ونعجن لحد ما نحصل على عجينة متماسكة وطرية ولا تلتصق
اذا احتاجت ماء نزود ملعقة ملعقة ماء دافىء عشان تكون عجينة طرية بعد اضافة المقادير كلها لان كل دقيق بيختلف عن الاخر
نتركها تخمر نصف ساعة ونحضر الحشوة نهرس الجبنة بالزعتر والزيت ولو عاوزين جبنة رومى وزيتون او جبنة شيدر اى نوع تفضلوه من الجبنة مفيش مشكلة
طريقة تشكيل العجينة يوجد طريقتين
الطريقة الاولى:
نقطعها كور صغيرة جدا ونفردها ادى دائرة القطايف ونضع بها ملعقة جبنة صغيرة
ثم نغلقها زى القطايف ونقفل الاطراف بالشوكة
ونرصهم فى صينية ونضع على وجههم حبة البركة وندهن الوجه صفار بيض بربع ملعقة بن هيدى لون حلو اوى
و نغطيهم ونسيبهم يرتاحوا ساعة ثم يخبزوا فى فرن على حرارة متوسطة حوالى 200 درجة لمدة نصف ساعة او حتى تمام النضج
الطريقة الثانية:
نقطع العجينة كور صغيرة
ونفردها بالفرادة او النشابة زى الصورة ونحط الجبنة بالطول
ونلفها رول زى الصورة
ثم نقطع بالسكين الرول قطع متساوية مثل الصورة
ثم يرص فى صينية ويغطى ويترك ساعة يختمر ثم يدهن وجهه بصفار البيض وربع ملعقة بن ويخبز على درجة حرارة 200
فى فرن سبق تسخينه لمدة ربع ساعة او حتى يأخذ لون جميل وينضج
و بالهنا
