هنقدملك طريقة تخزين الخوخ بالخطوات مصورة ممكن تطلعيه فى اى موسم وتعملى منه عصير الخوخ او بيوريه لانه زي الكمبوت والطريقة سهلة جدا.
طريقة تخزين الخوخ بالخطوات مصورة
هنحتاج:
- خوخ متماسك وغير طرى عشان يستحمل التخزين
- و2 كوب سكر و 4 كوب ماء وليمونة
الطريقة:
هننقع الخوخ فى ماء ونغسله كويس
هنضع الماء والسكر على النار يغلو
اول ما الماء بالسكر يغلى نضع الخوخ 30 ثانية فقط او نصف دقيقة احسبيه مهم جدا عشان الخوخ مش بياخد وقت نحضر قبل وضع الخوخ فى الماء بالسكر المخلى اناء به ماء ماء و ثلج عشان نوقف عملية التسوية اول ما نضع الخوخ فى الماء بالسكر المغلى ننشله بسرعة و نضعه بالماء المثلج 5 دقائق
هيكون سهل التقشير نقشره بسهولة
و نقطعه نصفين ثم نزيل النواة ثم نقطعه شرائح
نترك الماء بالسكر على النار يغلى اللى و ضعنا فيه الخوخ عشان عاوزين حجمه يقل و تبقى كمية ماء اقل بس نعصر عليه عصير ليمونة او ربع ملعقة ملح ليمون و نسيبه على النار
بعد ما الماء بالسكر حجمها يقل تقريبا بنتركها 10 دقائق على النار ثم نتركها تبرد تماما تعبأ شرائح الخوخ فى اكياس و نضع على كل كيس حوالى نصف كوب من سيرب الماء بالسكر او حسب حجم الخوخ
ضعى الاكياس بعد غلقها بالفريزر و بالنسبة لو عندك خوخ طرى هيبقى بيورية زوديه من سائل السيرب و بردوا احفظيه
لما تحتاجى من الخوخ ممكن تطلعى كيس و تخفقيه بالخلاط و تحصلى على احلى عصير خوخ وطبعا لو عاوزة كمبوت خوخ ضعى الخوخ فى السيرب فى الثلاجة صلاحيته اسبوع بالثلاجة و زينى بيه التورتات او ضعيه على سلطة الفواكه
و الف هنا
