وصفات الاسماكوصفات سهلة 
طريقة عمل الجمبري البانية المقرمش بتتبيلة رائعة
طريقة عمل الجمبري البانية المقرمش بتتبيلة رائعة
هنقدملك طريقة عمل الجمبري البانية المقرمش بتتبيلة رائعة ومتقوليش سر التتبيلة لحد هتعجبك انت وعائلتك .
طريقة عمل الجمبري البانية المقرمش
المقادير:
- كيلو جمبرى متوسط الحجم
- دقيق وملعقة كبيرة نشا و بقسماط
- ربع كوب حليب + ربع كوب ماء
- ملعقة كركم + ملعقة صغيرة كمون + ملعقة صغيرة شطة + ملعقة كبيرة عصير ليمون
انا فى كل وصفات البانيه خصوصا الاسماك مش بضيف بيض بفضل الحليب او الزبادي مع الماء احسن عشان يبقى خفيف ومقرمش وكمان الزفارة لو حبيتى تضيفى بيض ضيفى.
التتبيلة:
- ربع كوب عصير ليمون
- ملعقة كبيرة توم مفروم
- ملعقة صغيرة توم بودر
- ملعقة كبيرة صويا صوص
- ملعقة مستردة او خردل
- ملعقة كاتشب
- فلفل أسود و زنحبيل وكمون
احنا مش هنضيف ملح لان الكاتشب والمستردة والليمون كفاية
الطريقة:
- يقشر الجمبرى ماعدا الذيل ويغسل جيدا ويزال الخط الموجود بمنطقة الضهر
- يتبل الجمبرى بالتتبيلة ويترك بها على الاقل ساعة
- فى اناء نضع الحليب والماء والدقيق والكركم والنشا والشطة والكمون وعصير الليمون ونخلط جيدا بمضرب البيض حتى نحصل على خليط خفيف نوعا ماء مثل البشاميل الخفيف نزود دقيق او نقلل حسب السمك
- ثم نغمس به الجمبرى المتبل
- ثم نغمسه بالبقسماط ونرصه بطبق كبير ونضعه بالفريزر نصف ساعة
- ثم نسخن زيت غزير حتى يسخن جيدا ونقلى به الجمبرى على نار عالية ياخد لون جميل ومقرمش وخلاص لان الجمبرى مش بياخد وقت
- ويقدم مع الصويا صوص والارز الصيادية او الخبز وسلطة الطحينة وبالهنا
