البط بالمرتى إفطار الدمايطة والبورسعيدية في أول يوم رمضان

هنقدملك البط بالمرتى إفطار الدمايطة والبورسعيدية فى أول يوم رمضان طعمه تحفة وبجد اول مرة اكله انبهرت من طعمه وعرفت ليه بيأكلوه اول يوم رمضان

البط بالمرتى الدمياطي

المقادير:

• بطة كبيرة
• من 6 الى 5 بصلات
• نصف كوب زبيب
• ملح وفلفل وبهارات
• ملعقة ونصف كمون

 

الطريقة:

نغسل البطة كويس ونتبلها من الداخل بنصف عصير ليمونة ونبشر البصل بشر خشن ونضيف عليه نصف كوب ماء ونضعه فى اناء على النار حتى يتشرب ماؤه مع التقليب المستمر على نار عالية فى نفس الوقت ننقع الزبيب فى ماء دافىء لمدة عشرة دقائق ثم يصفى الزبيب ويوضع على البصل

نضيف نصف ملعقة صغيرة ملح وملعقة ونصف كمون ورشة فلفل اسود وبهارات وملعقتين زيت ونقلب على نار متوسطة حتى ينضج بنسبة 70% تقريبا مع ملاحظة الا يستوى جدا لانه هيكمل سواه فى البطة وتترك المرتة جانبا لتهدأ قليلا.

نحشى البطة بالمرتة بالملعقة لانها ساخنة

وفى الاخر نضع الكبدة والقنصة نسد بيها الحشوة والفتحة ونخيط الفتحة بابرة وخيط فى اناء او حلة كبيرة نضع ملعقة صغيرة سمنة ونشوح فيها البطة مع حبهان ومستكة عشان ريحة الزفارة تروح وكمان تدى طعم حلو للبطة

نضع حلة او قدر كبير على النار ونضع به ماء وملعقة كمون وباقى خلطة المرتة اللى اتبقت من الحشوة وملح ونضع البطة بعد ما شوحناها ونغطيها بالماء ونضع ملعقة صغيرة بهارات

لو عندك حلة ضغط يكون افضل عشان البطة تستوى اسرع ولو مش عندك ملعقة صغيرة سكر هتسوى باذن الله البطة اسرع

لما تستوى البطة نأخذها من الشوربة وندهن الوجه خلطة من ( ملعقة صلصة ملعقة شوربة ملعقة سمنة و ملح وفلفل اسود وربع ملعقة كبيرة عسل اسود بيديها لون تحفة

وحمريها تحت الشواية وبالف هنا