هنقدملك طريقة ساندوتش الفراخ والبطاطس المشوية بالخطوات مصورة و طريقة العيش الصاج اللى بيتلف بيه الحشوة بالخطوات مصورة
طريقة ساندوتش الفراخ والبطاطس المشوية بالصور
مقادير عجينة العيش:
- 3 كوب ونصف دقيق مخلوط دقيق ابيض على اسمر ويمكن استخدام دقيق ابيض فقط
- 2ملعقة خميرة مذوبة فى كوب ماء دافىء وملعقة سكر وتترك 5 دقائق
- رشة ملح
- ملعقتين زيت
الطريقة:
يتم وضع الدقيق والملح فى اناء ويعجن بكوب الخميرة بالماء واذا احتاج ماء اكثر نضيف بسيط بالتدريج حتى نحصل على عجينة متماسكة ويمكن استبدال الماء بحليب دافىء
ثم يدهن وجه العجينة بقليل من الزيت وتترك لتختمر نصف ساعة ثم تكور كور صغيرة بعد ان تختمر
باستخدام الفرادة او النشابة او المردنة نفرد الكور طبقة رقيقة جدا ومتساوية الاطراف
ساندوتش الفراخ والبطاطس المشوية يتم تسخين مقلاة حتى تكون ساخنة جدا ثم نضع بها واحد من العيش المفرود
لما نلاحظ وجود فقاعات على الوجه نقلبه على الوجه الاخر
وده شكله لما نضج نخرجه بسرعة داخل فوطة نظيفة او قماشة نظيفة ونغطيه حتى لا يجف
ونعمل الكمية كلها وممكن لو مش عندك عيش تعملي كمية بسيطة وقت الطوارىء لو انتى بليل ومفيش مخابز فاتحة
مقادير حشوة العيش:
- نصف كيلو صدور دجاج مخلية
- ملح وفلفل اسود
- ملعقة زعتر جاف
- ملعقة عصير ليمون
- ملعقة زيت زيتون
- 2 بصلة مقطعة شرائح
- فلفل الوان مقطع
- فص ثوم كبير مبشور
جبنة مبشورة اى نوع - ملعقة كسبرة خضراء مقطعة
الطريقة:
تتبل صدور الفراخ بالملح و الزعتر والفلفل وعصير الليمون وتترك نصف ساعة
فى مقلاة تسخن ونضع الزيت ثم تشوح الصدور على نار عالية حتى تأخذ لون ثم تهدىء النار وتغطى وتترك ربع ساعة حتى تنضج
تقطع صدور الفراخ شرائح بعد ان تنضج ويضاف لها البصل والجبن المبشور والملح والفلفل والفلفل الالوان والكسبرة وتقلب جيدا
تفرد العيش ويتم حشوه بالحشوة ويلف رول ويقفل من جميع الجوانب ويرص فى صينية
ثم يدهن الوجه بقليل من زيت الزيتون ويوضع فى الفرن تحت الشواية ليأخذ لون او يشوح فى مقلاة على النار
وده شكله بعد السوا
طريقة ومقادير البطاطس المشوية:
تقطع كمية مناسبة من البطاطس مكعبات صغيرة ويفضل ان تكون بالقشرة ومغسولة جيدا ويمكن نقع البطاطس بقشرها فى ماء دافىء مضاف له ملعقة كبيرة صودا الخبز او كربوناتو
لانها تزيل اى مبيدات مرشوشة بها الخضروات والفاكهة و ءامنة على الصحة وايضا تناول البطاطس بقشرها يعلى قيمتها الغذائية
وتتبل بملح وفلفل اسود وروز مارى وملعقة زيت زيتون وتوضع فى صينية وتشوى فى الفرن على نار هادئة لمدة نصف ساعة او حتى تنضج
تقدم مع ساندوتش الفراخ الصحى والف هنا
