هنقدملك طريقة عمل صينية الجلاش بالفراخ بالصور حشوة فراخ لذيذة وخفيفة و تغير بدلا من اللحمة المفرومة وهتشرفك بالعزومات
طريقة عمل صينية الجلاش بالفراخ بالصور
المقادير:
- نصف كيلو جلاش
- نصف كيلو فراخ بانيه مقطع
- او فراخ مخلية من العظم والجلد ومقطعة ممكن من الاوراك عادى وممكن فراخ متبقية عندنا
- بصلة مقطعة شرايح
- كوب مشروم(اختيارى)
- جزرة مبشور
- حبة فلفل اخضر قطع
- جبنه متزاريلا
- جبنه شيدر
- زيتون شرايح
- ملح وفلفل اسود
- توابل
- (بابريكا – جنزبيل – توم وبصل بودر- كارى –فلفل اسود – زعتر – كمون )
- كوب ونصف حليب + بيضة
- زيت لدهن الطبقات
الطريقة
فى مقلاة نضع قليل الزيت ونسخنه ثم نضع الفراخ و نقلب لتأخذ لونا ثم نضيف الجزر و البصل ونقلب حتى يدبلو ثم نضيف الفلفل الاخضر مع التقليب المستمر على نار متوسطة واضيف لها رشة ملح وفلفل اسود وملعقة مشكلة من جميع التوابل السابقة ونقلب جيدا ونضيف ربع كوب ماء ونتركها على النار حتى تتشرب الماء وتنضج ثم نطفىء النار وتترك جانبا
نحضر صينيه وادهنها وافرد نصف كمية الجلاش مع دهن الطبقات بالزيت واضع عليها حشوة الفراخ و الجبنه والزيتون
وافرد باقى الجلاش مع دهن الطبقات بالسمنه السايحه او الزيت ثم تقطع مربعات بالسكين
ثم نخفق البيضة مع رشة فلفل اسود وملح والحليب وقطرات ليمون في الخلاط، ونوزعها على الوجه
ويسخن الفرن ونشغله من تحت فقط على نار هادئة ونضع الصينية فى الرف الاوسط حتى تتشرب السائل وتنضج حوالى نصف ساعة ثم تحمر الوجه تحت الشواية لن يأخذ وقت
تترك لتبرد قليلا قبل تقطيعها
وتقدم والف هنا
