اتعودنا على الكفتة المبرومة صوابع او كرات. طب ايه رايك تعملى قالب الكفتة ده معانا وتفخرى بيه قدام ضيوفك فى العزايم وممكن تقطعيه طرنشات وتعملي بها سندوتشات المدرسة لاطفالك زي البرجر. تعرفي على طريقة عمل قالب كفتة الفراخ بالخضار فى هذا المقال.
طريقة عمل قالب كفتة الفراخ بالخضار
المقادير:
- لعمل قالب متوسط الحجم
- كيلو فراخ مخلية ومفرومة
- كوب الا ربع بقسماط مطحون
- كوب خضار مشكل او حسب الرغبة وليكن بسله، جزر، بطاطس. مسلوق نص سلق
- نص حزمة شبت مفرومة
- نص حزمة كزبره خضرا مفرومة
- 4 بيضات
- مل كبيرة كزبره بودر
- مل كبيرة زعتر بودر
- مل صغيرة ملح
- مل صغيرة فلفل اسود
طريقة عمل قالب كفتة الفراخ بالخضار:
- بعد ما فرمتى الفراخ البانيه فى الكبه اخلطي عليها البيض، البقسماط، المشكل، كل التوابل المذكورة ملح + فلفل + كزبره+ زعتر واخلطي كويس
- ضيفي كمان الكزبره والشبت المفرومين واخلطيهم معا كويس حتى يتجانس الخليط.
- جهزي قالب مستطيل زى قالب الباوند كيك كده وادهنيه بالزبده او الزيت.
- رصي فيه الخليط السابق
- دخلي القالب فى الفرن على حرارة 180 لمدة 45 دقيقة
- خرجيه من الفرن وسبيه يبرد وبعدين قطعيه عشان ميتفرولش منك ويبوظ. قدميه على السفرة مع ارز او مكرونة. والف هنا وشفا.
قالب كفتة الفراخ بالخضارفوائد الدجاج
- لحم الدجاج له العديد من الفوائد الصحية لجسم الانسان، ومن تلك الفوائد انه يمد الجسم بكمية عالية من البروتين
- بالاضافة انه يحتوى على فيتامينات ومعادن ،كما ان لحم الدجاج يساعد في فقدان الوزن ويسيطر على نسبة الكوليسترول بالدم وايضا يسيطر على ضغط الدم
- بالاضافة الى انه يقلل من خطر الاصابة بمرض السرطان .
- الحميات الغذائية التى تحتوى على نسب عالية من البروتين تساعد كثيرا فى فقدان الوزن
- ولذلك فان الدجاج يعتبر مهم تناوله اثناء اتباع الحمية الغذائية للمساعدة على فقدان الوزن لانه يحتوى على نسب عالية من البروتين .
