البلوبيف يعشقه الكثير ولكن سعره بقا غالى جداً وطبعا مستورد كله فمش بنعرف أتصنع من إيه ولا نوع اللحمة ايه وفري فلوسك وحافظي على صحة أسرتك واعمليه بالبيت أنضف وأحلى وممكن تعملى منه بلوبيف بالبيض و بيتزا منه وكل الأكلات اللى بيتعمل بيها . لذلك نقدم لكم طريقة عمل البلوبيف المنزلي بخطوات سهلة وبسيطة .
طريقة عمل البلوبيف المنزلي
المقادير:
- كيلو لحمة قطع
- ربع كيلو دهن
- ملعقة كبيرة سماق
- ورق لورا , حبهان فصوص
- كوب فول صويا
- ملعقة صغيرة لون طعام احمر
- ملعقة كبيرة جيلاتين بودرة
للنقع:
- نصف كوب ملح
- نصف كوب خل
- نصف ثمرة بنجر مبشورة
- فلفل أسود
طريقة التحضير:
اولا النقع:
- يخلط الماء والملح والخل وورق اللورا والسماق والبنجر المبشور والحبهان ثم تضاف قطع الدهن
- تنقع اللحمة فى الخليط لمدة 4 أيام فى الثلاجة
- وقت التحضير نرمى ماء النقع مهم جدا ممنوع استخدام ماء النقع ف التحضير
- هنسلق اللحمة القطع بماء جديدة غير ماء النقع
- ضعى اللحمه مع الدهن فى ماء وتبليهم بالملح والفلفل وضعى ورق اللورى ومعاه عودين كرفس
- أتركيها حتى تسلق بنسبه 80 %
- أثناء سلق اللحمه ضعى الفول الصويا فى طبق وضعى عليه شوربه من شوربة اللحمه
- ضعى معه ربع ملعقه صغيره من لون الطعام الصحى – قلبيهم كويس وسبيهم حوالى 10 دقائق
- بعد ما تسلق اللحمه 80% فقط تشيلى اللحمه من الشوربه
- ضعيها وهى سخنه جدا فى الكبه وأضربيها قليلا
- ثم ضعى معاها الفول الصويا بالشوربه ولو شرب الشوربه ضعى معه شويه شوربه وأضربيهم كويس بالكبه
- حضرى قالب وأفرديه بورق البلاستيك ثم ضعى عليه البلوبيف ولفى الورق البلاستيك وأضغطى عليه قليلا
- ثم أدخليه الثلاجه يوم كامل وكده يبقى خلص البلوبيف
- وبالهنا والشفا
ملحوظة
اللحمة هتتسلق قطع قبل فرمها في الكبة
