طريقة عمل السوسيس بالمنزل أنضف لأولادك وآمن

هنقدم لكي طريقة عمل السوسيس بالمنزل بدل ما تشتريه لاولادك وهو كله مواد خطرة تؤذى صحتهم وتعرضهم للامراض الخطيرة وكمان عشان تبقي مطمنة وانتي بتعمليه لـ ساندوتش المدرسة ان اولادك بيتغذوا كويس.

طريقة عمل السوسيس بالمنزل

المقادير:

• كيلو الا ربع لحمة مفرومة وممكن تعمليها بـ الفراخ ويبقى بدالها فراخ مفرومة بدون عضم او جلد بنفرم شرائح فراخ فيليه
• 4 ملاعق دقيق _ ملعقة كبيرة نشا
• 3 بيض
• ملح وفلفل اسود
• بهارات متنوعة ملعقة صغيرة من كل نوع
• ( بابريكا \ كمون\ ثوم بودرة \ بهارات لحم \ بصل بودرة \ قرفة\ زنجبيل \ورق لورا مطحون \
• وممكن لو عاوزة لونها احمر نضع ربع ملعقة صغيرة لون صحي احمر \ كاري)
• 4 قطع جبنة مثلثات اى نوع كيري او بريزدون
• نصف كوب زيت ذرة

طريقة عمل السوسيس بالمنزل:

فى الكبة نفرم كل المكونات حتى تكون ناعمة جدا زى الصورة

نفرد ورقة زبد او بلاستيك فيلم ونضع عليه بالعرض العجينة ونلفها برفق رول ممكن نلفها طويلة ونقسمها اصابع بربط كل مسافة بالخيط لتقسيمها عقل زى السجق

او ممكن نلف كل واحدة بقطعة صغيرة لوحدها من البلاستيك فيلم او ورق الزبدة وطبعا الافضل ورق الزبدة ثم نغلفها بورق قصدير او ورق الومنيوم

نضع فى قدر كبير ماء ونتركه يغلى ثم نضع به كمية من اللى تم تغليفها ونتركه يتسلق حوالى نصف ساعة على الاقل ممكن نغرس السكين او الخلة فيها لو طلعت نظيفة يبقى استوت

وده اللى اتعمل بلحم الفراخ بعد ما استوى بنفكه يبرد ونخزنه بالفريزر لحين تحميره وتقديمه

وده اللى باللحمة و وضعنا عليه لون صحى احمر حاجة

و اولادنا هياكلوه بامان بدون شراؤه غالي ومضر جدا لان ثبت ان المكونات التى يحتوى عليه السوسيس الجاهز خطيرة على صحة اطفالنا

لما تحبى تجهزيه طلعيه يفك بالثلاجة ثم حمريه وقدميه بالساندوتش مع الخس والكاتشب او ممكن نضعه بالمعجنات

وبالهنا