كلنا بنحب المشويات وطعمها من كفته،فراخ، طرب . لكن بنستصعب نعملها فى البيت خاصة الطرب. طب ايه رأيك اعلمك طريقة عمل الطرب المشوى فى المنزل زى الحاتي بالظبط وتكون مضمونه وتستمعى انتى وجوزك بطعم المشويات اللذيذه وكمان تفخرى بيها فى العزومات . اليكى الطريقة والمقادير فى هذا المقال
ويتكون الطرب المشوى من لحم مفروم ، وملح.، فلفل، جوز الطيب، بهارات، عصير ليمونة،
ملعقة سمن ، منديل الخروف، حيث يتم خلط اللحم المفروم بالتوابل السابقة وتركها لمدة ساعتين لتنسجم وتقطيع مناديل الخروف لقطع متساوية وبعد ذلك يتم تصبيع كفتة اللحم بالبهارات ولفها داخل مناديل الطرب وبللها بماء البصل قبل شويها أو وضعها فى صينية مدهونة بملعقة من السمن ووضعها فى فرن متوسط الحرارة لمدة 45 دقيقة .
طريقة عمل الطرب المشوى فى المنزل
المقادير:
- كمية تكفى 4 أفراد
- كيلو لحم بقرى مفروم
- 2 بصله متوسطه الحجم مفرومه
- ملعقة كبيره ملح
- ملعقة كبيره فلفل
- بشر جوزة الطيب
- ملعقة صغيره هيل بودر
- مناديل ضانى حوالى 16 منديل لكل كيلو لحم
- ملعقة صغيره سماق
الطريقة:
- فى طبق عميق تبلى اللحم المفروم بالملح ،الفلفل ، البصل المفروم ، جوز الطيب الهيل ، السماق وسبيها فى التتبيله حوالى ساعه فى التلاجه
- اخرجى اللحم المفروم وشكليها صوابع زى الكفته .
- لفي كل صباع من صوابع الكفتة بمنديل من الطرب الضانى
- بعد ما تلفى كل الطرب حطيه فى التلاجه 10 دقايق
- سخنى الشوايه كويس ورضى عليها الطرب للشواء .او لو مش عندك شوايه ممكن فى الفرن
- وبألف هنا وشفا .
سر نجاح الطرب المشوي:
- تصفية البصل قبل إضافته للحم المفروم يساعد على تماسك الكفتة أثناء التشكيل.
- تبليل اليد بماء البصل أثناء تشكيل الكفتة يكسبها طعم قوي، ويجعلها لامعة بعد التسوية.
نصيحة:
- يفضل تناول البقدونس المُقدم مع الطرب لإنه يساعد في عدم امتصاص الجسم للدهون الموجودة في الطرب.
- تحتوي القطعة الواحدة من الطرب على 350 سعر حراري.
