طريقة عمل اللحمة الباردة أو الروزبيف بالصور والخطوات

فى الصيف والرحلات بنحب الساندوتشات و اللحوم الباردة عشان عمليه هنقدم طريقة عمل اللحمة الباردة أو الروزبيف بالصور والخطوات اللى كل الامهات بتحب تعملها فى البيت ومش عارفة الخطوات بكل سهوله هتعرفى تعمليها

طريقة عمل اللحمة الباردة أو الروزبيف بالصور والخطوات

المقادير:

• عرق لحم فلتو يطلب بالاسم من الجزار
• 2 فنجان صغير خل
• 2 ملعقة  صغيرة سكر
• 10 فصوص ثوم كبيرة ومقشرة بدون تقطيع
• خيط مطبخ
• ورق الومنيوم
• ملعقة زيت وملعقة زبدة
• كوب ماء ساخن
• ملعقة ملح
• ملعقة فلفل اسود + نص ملعقة بهارات لحم

الطريقة:

يغسل عرق اللحم بالماء ونحاول ازاله اى دهون او شغت به ويفضل ان يكون لحمة احمر قدر الامكان ثم يجفف بمناديل المطبخ جيدا

نعمل فتحات بحرف السكين فى عرق اللحم قد فصوص الثوم

نغرز فصوص الثوم فى الفتحات اللى فتحناها بالسكين

نرش على كل الفتحات فلفل اسود وبهارات

ثم يتبل العرق بملعقة ملح ويلف بالخيط جيدا حتى يكون قوامه متماسك ونستطيع التعامل معه وتذوب ملعقة سكر مع فنجان خل وتتبل به ويوضع فى طبق او علبة ويوضع فى الثلاجة ليلة كاملة مع التقليب كل فترة حتى تتشرب كل الجوانب الخل والسكر قبل الطهى.

فى صينية كبيرة او طاسة كبيرة نضع الزيت والزبدة حتى يسخن ونضع العرق عليها حتى يأخذ صدمة من جميع الجهات ولا يفقد الماء الموجود به ويظل طرى وطبعا الماء المنقوع فيه طول الليل اللى هو عبارة عن خل وسكر والماء اللى نزل من اللحم بنرميه ومش بنستعمله.

يشوح العرق من جميع الجوانب على نار عاليه حتى يأخذ اللون البنى فى الصورة

بعد تشويحه من جميع الجهات نأخذ ملعقة السكر الباقية وفنجان خل وكوب الماء المغلى ونضعهم عليه ويغلف بورق الالومنيوم ويترك على نار هادئة مع التقليب من فترة لاخرى على الجوانب.

يترك لمدة ساعتين تقريبا على نار هادئة ونجربه بغرز شوكة به اذا لم تخرج ماء يبقى استوى اذا نشف قبل السوى واحتاج ماء تانى بنزود ماء ساخن شوية صغيرين اما اذا استوى ولسه فيه ماء نكشف الغطاء ونعلى النار حتى يتشرب الماء ثم نطفىء النار ونتركه ليبرد.

قبل تقطيعه يجب ان نتأكد من ان العرق برد تماما ويقطع شرائح بسكين حاد الصينية التى بها بواقى السوا باللون البنى ممكن ان نضع بها ملعقة زبدة وملعقة دقيق وتقلب ثم نضع عليها كوب ماء  وملعقة صوص الباربيكيو ونتركها تغلى ويكون قوامها سميك وهذا يكون صوص جانبى للروزبيف.