برجر فراخ مشوي للأطفال بديل للجاهز الضار بصحتهم

اطفالنا بيحبوا البرجر اكتر من اى حاجه تانى مغذيه وبنضر نشتريه من برا مع العلم انه دهون اضافيه تسبب لهم السمنه بدون اى قيمه غذائيه . ولهذا فى هذا المقال سنقدم طريقة عمل برجر الفراخ المشوى بطعم سيعشقه اطفالك ويطلبوا تناوله كل يوم .ويمكنك عمل كميه كبيره وتجميدها فى الفريزر وطهيها عند الحاجه فقط لتسهيل اعباء اعداد الطعام كل يوم . اليكى برجر فراخ مشوي للأطفال بديل للجاهز الضار بصحتهم  فى هذا المقال .

برجر فراخ مشوي للأطفال بديل للجاهز الضار بصحتهم

المقادير:

• نص كيلو فراخ مفرومه فى الكبه
• بياض بيضه واحده فقط
• 4 ملاعق كبيره بقسماط مطحون
• مل ملح
• مل فلفل اسود
• مل كزبره ناشفه
• مل زعتر ناشف
• بشر جوز الطيب
• مل صغيره سماق بودر
• مل صغيره بصل بودر
• مل صغيره ثوم بودر
• مل صفيره كارى بودر

الطريقة:

1. فى طبق عميق خطى الفراخ المفرومه وعليها كل التوابل  ملح، الفلفل الاسود ، السماق، جوز الطيب، الكارى، البصل بودر، الثوم بودر، الزعتر، الكزبره  واعجنى كويس بحيث تدخل البهارات فى كل الفراخ المفرومه.
2. ضيفى بياض البيضه مع البقسماط على الخليط السابق واعجنىلا جيدا مره اخرى .
3. ضعى المزيج فى التلاجه لمده ساعه حتى يتماسك ويسهل تشكيله .
4. بعد مرور ساعه اخرجى المزيج من التلاجه وشكليه على شكل كرات وبططيها براحه اليد لتصلخ شكل البرجر
5. بعد تشكيل الكرات ضعيها فى التلاجه 10 دقائق حتى تسخن الشوايه ثم اشويهم من الناحيتين .
6. وان لم تتوفر لديكى الشوايه يمكنك تسخين طاسه بملعقه زيت وشوى البرجر بها.
7. يمكنك ايضا عمل كميه وتخزينها فى الفريزر لحين استعمالها فى الغداء مع طبق مكرونه او بطاطس محمره او سندوتشات المدرسة .

وبألف هنا وشفا