نصائح للعروسة عند تجهيز الشقة موفرة ومفيدة فكثيرا منا يشترى اشياء ليس لها فائدة وتصرف النقود فى اشياء لمجرد العادات المجتمعية واليوم نقدم بعض النصائح الموفرة للعروس كى تستمتع بما لديها ولا ينقصها شىء .
نصائح للعروسة عند تجهيز الشقة
بداية لابد ان نتفق انه ليس شىء اجبارى يجب شرائه فأنت غير مجبرة على شراء شىء لمجرد انه عادة ان تشتريه العروس امثلة لذلك :
– برنس الحمام : التقاليد المتبعة انك لابد من ان تشترى الشنطة على بعضها شاملة مشط و2 برنس حريمى ورجالى
فوطة وبانتوفل او شبشب بضعف ثمنهم لمجرد انهم موجودين فى شنطة لمجرد ان شكلهم منسق مع بعض
وشنطة العروسة مع انك لما تستعمليهم خلاص هيتعلقوا فى التواليت او الحمام غير ان خاماتهم ممكن يكون داخلها
بوليستر لكن البرنس الفردى هتشتريه بثمن قليل وخاماته 100 % قطن مثل
ليه ما تشتري ليكى ولزوجك الوان مختلفة عن بعضكم وتوفرى ضعفين التمن اللى اشتريتى بيه
– مش بتحبى الجلاليب او البيجامات الستان بلاش انت اللى هتلبسى مش الناس بلاش تشترى هدوم مش هتلبسيها
– ممنوع ان الناس تتفرج على دولاب الهدوم ويشوفو اشتريتى ايه لانها حاجات خاصة بيكى
– الدرابية او مفرش السرير الستان او الحرير مش لازم يكون ماركة وغالى فى حاجات سعرها قليل
وعمليه اكتر وشكلها احسن من الغالى لانك هتفرشيه ليلة واحدة ويتشال فى الدولاب
– عباية الاستقبال لو مش حابة نفسك فيها هاتى فستان خروج او جيب وبلوزة شيك استقبلى بيهم الضيوف وكمان هتخرجى بيهم فيما بعد
– التنجيد مش لازم تنجدى 60 خدادية و 10 مدافع والحاجات دى والقطن غالى من اى محل خدادية
او هايبر ماركت كبير اشترى 2 خدادية فايبر و 1 مخدة كبيرة و 2 خدادية صغيرة فايبر لاحتياجك فقط ومريحة جدا ومش غاليه
زى القطن وكمان عن تجربة مش هتلاقى مكان تحطى فيه الحاجات دى وهيبقى منظر البيت زحمة على الفاضى
– قبل الفرح بكام شهر لما تكون معاكى الفلوس وناوية تنزلى هاتى ورقة وقلم
واكتبى انتى محتاجة ايه فى غرفة النوم كام مفرش سادة بألوانهم وكام مفرش مشجر وكام فوطة
وبلاش الاعداد الهائلة من الفوط متخافيش مش هيخلصوا من السوق وكام كوفرتة مع انى افضل 2 كفاية لغطاء الصيف
و المفارش القطيفة واحد كفاية و واحد بطانية كبيرة و2 لحاف فايبر عشان لو جالك ضيوف
– مفرش السفرة واحد فقط مشغول وغالى و2 مفرش عادى عازل للماء عشان تتبدل فيهم وقت الاكل
والمفرش يتفرش فوقهم ووقت الاكل يتشال
– الملابس انت هتشترى صيفى وشتوى الافضل تستنى الاوكازيون بتاع كل موسم ولو ملحقتيش موسم شيلى الفلوس واشتريهم بعد الجواز
وكمان انتى ممكن تشوفى فى ملابسك الصالح واللى هتحتاجيه عشان متكرريش نفس الملابس
– الحلل او اوانى المطبخ مش لازم 10 اطقم او حتى 5 هو طقم واحد كامل وشامل يفضل الغير لاصق عشان ترتاحى
– الكاسات وكوبيات النيش بلاش معرض السلع اللى بتعمليه انتى هتلاقى كل يوم بينزل اشكال جديدة بلاش تتقيدى باشكال ممكن موضتها تروح
نصائح للعروسة عند تجهيز الشقة
ويكونو كام طقم كاسات وطقمين صوانى وبلاش بقا 3 طقم جيلى والحاجات دى هو طقم واحد كمان عشان متضغطيش على الزجاج بأثقال ويتكسر فى الاخر
– بعد ما تشترى حاجاتك كلها اللى محتاجاها طبعا الاواني والزجاج هيفضلوا فى علبهم لحد ما تروحى بيتك عشان تفادى الكسر
لكن علبة الدرابية وعلب المفارش وعلب قمصان النوم دى ترميها من وانتى عند بيت الاهل عشان هتعمل زحمة فى شقتك
كل طقم سرير طبقيه ودخليه جوه كيس مخدته وعلى الشنطة كذلك الملابس والفوط وكله يتبق على الشنطة
نفس الطريقة اللى هيتحط بيها فى الدوليب عشان لما تروحى هناك
تطلعى الحاجة من الشنطة وتترص في الدولاب بدون تطبيق تانى وترتاحى
يمكن تزين الشنط والكراتين بشرائط الستان او التل او اى شىء
– قبل الزواج هاتى غسول لطيف على البشرة للاماكن الحساسة عشان يمنع اى التهابات
– المنطقة الحساسة قبلها ب 3 شهور جربى تعملى سويت لنفسك مرة فى مرة هتعرفى ومتقوليش اخاف او حد يعملى لانها عورة وكمان معظم المتزوجات بيعملوا لانفسهن
واكيد جربوا قبلها بسيطة جدا وهتفرق معاكى كتير
نصائح للعروسة عند تجهيز الشقة
– متخافيش من حاجة يوم الفرح ومتسمعيش من حد كل واحد بيختلف عن الاخر واى حاجة تحصل ده سر بينك وبين جوزك ممنوع تحكى لحد
– متنسيش الثلاجة امليها اكل وشغليها بعد استقرارها فى مكانها بس 6 ساعات او تشغليها قبل كده
وبعدين حطى الاكل فيها وممكن وانتى فى بيت الاهل تحضرى بعض الوجبات الجاهزة على الطبخ مثل البانيه
والكفتة والشاورما وكله متبل ومتغلف وجبات على ادك انتى و زوجك
– هاتى مكسرات وعصائر واحفظى كمات منها فى الفريزر على اد استهلاكك وابقى طلعيها قبلها حطيها فى الفرن تتحمص او اى طاسة
– لو هتقضى شهر العسل خارج منزلك حضرى شنطة قبلها بيوم ولا تنسى الفوط وفرش الاسنان والشامبو
والغسول المهبلى واستعمالاتك الشخصية والشواحن للموبايل
– شغلى سورة البقرة كل يوم فى منزلك حتى لو لسه ما سكنتيش فيه
– واظبى على صلواتك وخصوصا يوم الفرح عشان ربنا يبارك لك فى حياتك الجديدة وان مفيش اى حاجة تشغلك عن صلاتك
– الحمل رزق مكتوب عند الله لا تفكرى فى الرزق إذا ربنا اراد ان شاء الله سيوهبك الذرية لا تعكرى صفو حياتك من اول شهر
ارجو ان اكون قد افادتكم والف مبروك لكل عروسة
