افكار لتجنب الفوضى بالمنزل وتجعله منظم بإستمرار دون عناء

طبعا اكتر حاجه بتشتكى منها الستات وتعانى فىها هي تنظيف البيت خاصه مع وجود اطفال صغار بيخلوا البيت سيرك في دقيقه وكل حاجه مش في مكانها . وفى المقال ده هنقدم ليكى شويه افكار لتجنب الفوضى بالمنزل هتخليكى تحافظى على بيتك منظم باستمرار .

افكار لتجنب الفوضى بالمنزل وتجعله منظم بإستمرار دون عناء

1- اوجدى لكل شيء مكان وضعى الاشياء المتشابهه معا:

فأهم حاجه هتخلى بيتك مرتب ان في مكان لكل حاجه ومصنفاهم بمعنى في مكان للمفاتيح في مدخل الباب وبالتالي وانتى طالعه من البيت عارفه مكان المفاتيح فين مش هتقلبى البيت كله وتدورى عليها .

وحطى سله كبيره في غرفة الاطفال اول ما اطفالك يخلصوا لعب يجمعوها كلها في السله مش في كل غرفه شويه لعب وتبهدلك البيت .

اعملى علبه صغيره حطى فيها كل الاوراق المهمه او الفواتير لأنها اكتر حاجه بتضيع وتقلبى البيت عليها ومش لازم تشترى العلب دى ممكن علب طعام بلاستيك مش بتستعمليها او كرتونه لعب فاضيه افتحيها من فوق ورسى فيها اوراقك.

2-  قررى الان

تنتج الفوضى والاكوام نتيجة قرارة مؤجله يعنى تكوني بتاكلى كيس حلويات وتخلصى وتسبيه وتقولى هبقى ارميه لما اقوم وتنسى وتتراكم الاكياس الفارغه وتملى الصاله ويبقى البيت فوضى لكن اتعلمى وعلمى اولادك يخلصوا اكل حاجه ويرموا الكيس في الزباله بسرعه او يقوموا يحطوا الطبق في حوض المطبخ وكل صبح وجوزك نازل الشغل تكوني رابطاله كيس الزباله ياخده في ايده وهو نازل عشان تحافظى على بيتك نظيف وريحته حلوة.

3- اذا مر عامين على حاجه

وتكون موجوده في البيت ولم تستعمل يبقى لم تستعمل مره اخرى فتخلصى منها ولا تقولى سأركنها ربما احتاجها فتراكم الاشياء دون استعمال ينشئ فوضى في منزلك.

4- لا تواصلي شراء الاشياء

ولكن اسألى نفسك قبل شرائه ” هل احتاجه فعلا هذا الشيء – هل سأستخدمه ” ولا تقومي بالتسوق وشراء المزيد من الاشياء دون وعى.

5- علقى قائمه البقاله والمشتريات

يمكنك تعليقها على باب الثلاجة حتى تكتبى اول بأول كل شيء ينتهى في المطبخ سيوفر عليك المشاوير غير الضرورية للمنزل وسيجعل مطبخك منظما لانكى ستشترين الاشياء وقت الحاجه ولا تكومى اغراض لا تستخدمينها في المطبخ.