إصنعي بنفسك تاتو الشفايف بمكونات طبيعية في المنزل

أنتشر تاتو الشفايف  أوي في الفترة الاخيرة اللي هو بيكون زي الروج وبيتحط على الشفايف وبيتقشر وبيدي لون وردي طبيعي ثابت على الشفايف, احنا هنقولكم ازاي نعمل تاتو الشفايف ده بنفسنا في البيت بمكونات طبيعية  بدون أي أضرار.

تاتو الشفايف بمكونات طبيعية في المنزل

طريقة عمل تاتو الشفايف

المكونات:

حبة متوسطة الحجم من البنجر او الشمندر
ملعقة زيت جوز الهند

الطريقة:

1-يقشر البنجر ويغسل جيدا ثم يضاف الية نصف كوب من الماء ويرفع على النار حتى ينضج ويترك حتى يبرد ثم يهرس ويصفى جيدا ، يمكنك هرسة فى محضر الطعام دون سلقه اذا كان متاح لديك

2- اضيفى ملعقة من زيت جوز الهند للحصول على شفاه حمراء اذا كنتى تريدين لون افتح ضعى ملعقتين من زيت جوز الهند

3- ادهنى شفايفك بالخليط واتركيه على شفايفك لمدة ربع ساعة

4- استخدمى هذه الوصفة يوميا فسوف تحصلى على شفاه وردية طوال اليوم

5- يمكنك اضافة ملعقة صغيرة من الجيلاتين البودر لهذه الوصفة للحصول على ماسك للشفايف كما هو موضح بالصورة

الطريقة الثانية:

– اول حاجة هنقشر الشفايف بالمقشر عشان نشيل اي جلد ميت و الشفايف تبقى ناعمة واللون يطلع حلو عليها ميبقاش مبقع.

– دلوقتي هنحضر التاتو وهو عبارة عن معلقة صغيرة مية مغلية هنضيف عليها معلقة صغيرة جيلاتين بودر ونخلطهم كويس مع بعض لحد ما يبقى سمكها متوسط مش خفيف ولا تقيل, وبعدين هنحط على الخليط ده دم الغزال لحد ماتدينا اللون اللي احنا عايزنيه لو عايزة الشفايف يادوب وردي فاتح حطي دم غزال بسيط لو عايزاها لونها احمر او وردي غامق شوية زودي كمية دم الغزال.

– هنحط الخليط على الشفايف ونسيبه لحد ما ينشف خالص, وخلال ما احنا سايبينه منحركش بوقنا او شفايفنا عشان اللون ميجيش على السنان, وبعد ما ينشف خالص هنقشرة هنلاقي الشفايف بقى لونها وردي طبيعي تحفة.